Popular Bible Verses from Ka Di Poglkwa 5

Share

Ana taragl 4-pela i ya yagl 24-pela i yage kobragai padre, giglage kor ta yegl digwa, Ene kagn kade paugwa pre ene pepa idre, kendel nuglo si dagimara ibo sada boratnga i, kuno erukwa. Ene kagn kade yegl mere inga i, i siragl pre ene goglsre, bormainen mina yoba mere kide God yobama moraiglmedi topo singa. Yoba topo singa i, yoba uglo koglo koglo mogl, yugobuno pere pere moglsre, kantri pere pere meglko, kano ama pai pere pere edugwa i, Yugobuno swara swarade meglmara ene yoba topo si ikne edinga.

Ye digwa i, yegl digwa, Sipsip nagigle ta goglkwa i, kagie kade inabuka kuno erukwa. Ye yobuglomo podo paugo, taragl wakai wakai ye moglmara kau sugo, nomanemo ama podo kide paugwa. Nono ye di wakai yei tedre, kagie kade te, debie sinamga i, kuno erumiwe di, yegl digwa.

Te, ene yoba i, i pi God yoba kingno mogl, suglno moglmara i suna edinga, meglkwa. Te, ene ama ye tawa teigwa yoba mere yegl God kogonmo eraiglmedi tengo, Ye king moglsre, dumo makan sugl moraiglmiwe, di, giglage yegl digwa.

Ana angelo i ka yegl digo, God taragl kane kane ere yogwa meglkwa i, ama akie ka ta digo, prika. Taragl heven ibo meglkwa ya makandigle meglkwa ya makan atne meglkwa ya mudi nigl atne meglkwa i, ye mudu u swara pidre, yegl digwa, Yagl ta sia king mina ame di moglkwa i ya sipsip nagigle i, Ye kagno kade inabrika pamiwe digwa. Ye yobuglno podo kide paugo, aimadi kamin taragl mudu bitno mogl, suglno morabrika. Nono ye debino sidre, kagno kade aimadi kamin tenamga pamiwe di, yegl digwa.

Kai podo ere moglko, bitno yagl 24-pela meglmara suna i, yagl swara ta na di narsre, Kai kodo dugwa. Kano! Devit gawamo i, ye Juda yugobunomo mina moglsre, laion mere yegl moglkwa ikra umiwe dugwa. Ye kudamo ikne mudu kuda bogl tedre, yobuglo erukwa pre kendel nuglo bage 7-pela pepa mina si dagigwa i, ye sada bogl ede, pepa ake duglo sinabuka i, kuno erume dugwa.