Popular Bible Verses from Luka 8

Share

Sɛ ŋii ŋɩ sala tibi bam dʋɔ na n nyina baa ba mʋ digela bam lɩɛ Ɩsʋɔ wɩɛ ŋii sɛ baa di ŋɩ dʋɔ. Baa sɩŋ na doŋ sɛ baa si bie.>>

Bie ŋii ŋɩ sala sɔba tibi dʋɔ na n nyina baa ba nyii Ɩsʋɔ wɩɛ, ama ba yela sɛ chawʋ naŋ wɩɛ bisi, dulunya abʋrɩ jawʋ, na asadi dʋɔ baa dɩlɛ baa bɩɩ ba lɩɛ di naŋ ŋ.

Sɛ ŋii ŋɩ sala bʋɛ tibi dʋɔ na n nyina baa ba nyii Ɩsʋɔ wɩɛ, sɛ baa mʋ asadi mʋ lɩɛ ŋɛ bʋdʋŋdʋlʋŋ. Ama gʋ wɩɛ ŋii n pɩsɛ ba agela naŋ dʋɔ baa sala ba lɩɛ di naŋ. Lɔ tɩba kɔŋ ba dʋɔ na, sɛ baa kena ba lɩɛdi naŋ yela.

Sɛ wʋ tasɛ ba sɛ, <<Amɩɛ lɩɛdi wɩɛ le?>> Sɛ dɩ yɩɛ ba doba sɛ nyɩŋtɩɛ chaŋ ba, sɛ ba tasɛ dɔŋa sɛ, <<Wʋkpa wʋ Mmʋɔ mɩnaŋ sɛ wʋ a fʋba sɛ apaa na lɩŋ a nyii wʋ jaŋ?>>

Adiya bie ŋii ŋɩ sala gbɩɛ naŋ na n nyina baa ba nyii Ɩsʋɔ wɩɛ na, sɛ Sɩtanɩ a gaa lɩsɛ lɩɩ ba agela naŋ. Dɩmʋŋ dʋɔ ba n dɩlɛ lɩɛ Ɩsʋɔ wɩɛ ŋii di na ba yu nkpa a.

Akala takɩɛ wɩɛ ŋii ŋɩ wɩsaɩ na, ŋii lɩɩ na baa na. Dɩmʋŋ sɛ bʋrʋkʋma gaa ba fu ga dʋɔ na, gaa fulu dʋɔ na baa na.

Alʋ wʋŋ na gʋ wʋ aa dɩlɛ wɩsɛ wʋ wʋsɛ ɛ, sɛ wʋ mʋ wʋsɛ selesi gaa luuŋ Yesu nafara tie. Sɛ wʋ tawɩ bakpa baa kpiniŋ asanaŋ bʋrʋ gaa dʋɔ sɛ wʋ tapʋ ɩ na, na ganaŋkʋ gabʋanaŋ wʋ yu alaŋfiya na. Sɛ Yesu tawɩ ɩ sɛ, <<Alʋ, n lɩɛdi chɔ nyaŋ. Pala wʋsɛfɩɛ naŋ.>>

Sɛ wʋ kpalɛnara baa feŋsi ɩ tawɩ sɛ, <<Kpaŋjuo, Kpaŋjuo, dɩ ja dɩ muru.>> Sɛ wʋ kʋlʋ fʋba feliŋ na apaa ŋii dʋɔ sɛ ŋɩ n cha kuruŋ sɛ ŋɩ cha kuruŋ.