Popular Bible Verses from 1 Koorinteeb 11

Share

Oon tꞌaaneet, oodiraari harꞌii haab kaas yakisiyaayt, “Uun uukaas Ukwaasanaawwa oodehaywa eebtik ikatiib ugalad ugayiibu, aree uutfaag aniib ubooyii ikati. Oon barooh gwꞌiteenihoob haay shꞌiteeni jillaay toon dꞌiina.” idi. Kassoohoob een yhadhi tamteenihoobwa, oon ookaas gwꞌiteenihoobwa, Wꞌankwana masi yꞌiiniyeeb ookiik tooyatooh sooteena!

Ani Wꞌankwana ooknaay amaasiweet toona dehookna hassi andi. Whawaad baruuh nuunamiyaneeb, Wꞌankwana Yasuuꞌa hadhiib gaal yakisiyaayt, Ukwaasana yhamid. Malya yhadhi firkak ikwaasiit, “Uun baruuh aniib ugaru ikati, aree bareeyookna jillaay ittiyeewi. Aneeb shꞌiteeni jillaay toon dꞌiina.” idi.

Tuun tuuna aree wꞌaadami hadhiib tamaab baakaay aree haay kaas gwꞌaab baakaay hankaab ugarooyooh tingwꞌiideet toona sootni. Wꞌankwanaay ugaru gwꞌadaab baakaay, gaal han tamiiniyeek aree gwꞌiiniyeek, baruuh tamiiniyihoobwa gwꞌiiniyihoobwa ugarooyooh ooknaay kehii hukwim ikwasi.

Aflaay ikatiibka een yhadhi tamiiniib, tari oon ookaas Wꞌankwana takweet baahiiw gwꞌiiniib, Wꞌankwanaay ugarooywa ubooyi kehiiwwa danuub gwibbaab ikati.

Ani sakaniyeet toona sakaana, ani han Umasiih sakiiniyeet toona sakani.