Popular Bible Verses from 1 Koorinteeb 13

Share

Uureer sabir ikati, uureer daayiinaayt ikati. Uureer hasaadaat kiiki, tari faash kiiki, tari kibir kiiki, tari amag bhaliib kiiki. Uureer ooknaay salal kiihariw, kiisehas, toomaag dhigwiitiit kiiyꞌabik.

Uureer door han kiigwooy, door han wꞌiimaan kiinaw. Diimaab sꞌayaabu, aree kassooh whaal imtariim.

Uureer wꞌadli naawiib kaꞌafirhiya, laakiin uusdik ansiramiiniyihoob afirhiini.

Aree oontꞌa taan taana taamhay daayi iyadna: wꞌiimaanwa, isꞌayaawwa, uureerwa daayi iyadna. Laakiin teen bateesooh uureer winkaabi.

Uusiruudwa, tidhoogniyaati bhaliitiiwwa, tikanaanwa, takweet iitnaw iyadna. Laakiin uureer daayim iikti indi.

Kasseeh ibhali toobuutiib eefeenwa imalakeewwa whadiidti adgiriyeek, laakiin eeraw baꞌareeyayeek, kilintiit wayꞌaat oobhaat iikti, tari kadhawtiit garawaani iikti.

Siruudi miyaaw iibriyeek, Ukwaasanaayt tikwabasnay kasteeh afhamiyeek, kastooh tikanaan iibriyeek, eerba hantaaysi iimaan iibriyeek, laakiin eeraw baaꞌareeyayeek takweet han kaadꞌi.

Iibriyeenaaka yhamraab iyiweek, ugarooyu masi karaamaat kwaasiit haay iifish iiktiyeek, laakiin eeraw baaꞌareeyayeek, naat han karayiiman.

Ani nisrik iiktiyihoob, unisrikiit hadiidan, unisrikiit akwin, unisrikiit bhaliiyan. Laakiin awinihoob, wꞌadhimuumiit teena daasan adꞌi.