Popular Bible Verses from 2 Koorinteeneeb 5

Share

Shaawti Umasiihiib ikatiibka gayi nafar iikti indi. Umidhhan ishꞌiiya giigiya, gayi midhhan badooya!

Umasiih danib kiibari, laakiin hini jillaay Ukwaasana barooh han hineeb idanib yꞌadhidh. Aflaay bariiyooh daanayihoob, Ukwaasanaayt tooshbu nitꞌadhiidh.

Hinin wꞌiimaanii nikweer ooshbuubii kiiki.

Uun kassuuh Ukwaasanaay miyaaw ikati, barooh ooknaawwa hininwa mꞌasig ibitkeen iidꞌi jillaay Umasiih diigwatiya. Aree barooh ooknaawwa irawi bitikwa umꞌasgi shagaay dꞌuuy yhii hoon. Ukwaasana Umasiihiib iifi, tuduniya barooh ooknaay dehaay yꞌadil. Shaawti oodehayi kehii maagnaayti dhigwuuy daayi kiidi. Baruuh oon wꞌaduuliit diigwat tꞌajiibi yhii hoon.

Shaawti hinin Umasiihi diigwatkina nikati, Ukwaasana uukna tuwaliiktooh hinee ikwasi. Hinin Umasiihi yafii waliiknay: Ukwaasanaay geeb amꞌaddaalna!

Baruuh hini jillaay ayaabu, baliin idhhaniib igarooyeehna jillaay ikwaar kiidiina laakiin bariiyooh jillaay ikwaar iyadna, baruuh bareeyooh jillaay ayaabu aree masi yakamiya. Aflaay oontꞌaanee fidnaab hinin gaal han tuduniyaatiit hayꞌaatii niishbib kindi. Door gaal Umasiih oontꞌaaneet nishbibeek han, shaawti bak kasakna.

Umasiihiib uureer hinin salooliini hoon, aree gaal tak kasseeh oodehayi jillaay ayaab ikatiyeet toona nikteen, aree shaawti kassaan ayaaba.