Popular Bible Verses from Afasoos 2

Share

Hinin Ukwaasana shagaamaab ikatiyeena nikati, baruuh Umasiihiib idꞌi hoon, daayi shaga nidꞌi jillaay baruuh whankaay dehoon isoomir.

Baraak Ukwaasanaayt tinꞌima aamantaaniit tidhhanna. Baruuh hinin astehalnayeet toonaati mhakwal daayiib iweer hoon. Toon toona Ukwaasana bareekna hiiyyaabu, baraakna iknaayaakna naat han dꞌiyaab kitteena. Baraakna iknaayaakna rayiimaab tikatiineena kitti. Aflaay baraak haay faalamteeneena kitehaay.

Laakiin Ukwaasanaayt tirhama winneet gwidaata. Baruuh hinin areeyiiniyeeb uureer han winneet win ikati. Hinin tumaagti sabbii ayaab akay niifi. Laakiin Ukwaasana winneet areeyaayt hoon Umasiihi geeb ishidhhan hoon. Ukwaasanaayt tinꞌimaatee aree baraakna tidhhanna.

Ukwaasana tuyatii Umasiih Yasuuꞌi geeb yakisiya hoon. Tibreeteeb aree Umasiih Yasuuꞌi daraag mhiin yhii hoon.

Baraak Ijintiili shaawti iibaabkinaabwa girbaabwa kitteena. Baraak whaashi dehay tikatiina, Ukwaasanaay oodehay ikatiin baliib tꞌiiteebaana. Baraak masi ilinguumaawwa inabiyaawwa dꞌiraab ikatiineeb wꞌasaasiib teefeena. Toorkwinti awi aree Umasiih Yasuuꞌaab ookna ikati.