Popular Bible Verses from Yesaya 45

Share

Maa fa neŋ agyapadɛɛse ŋan weesɛɛ, wosekenyiŋ ŋan bɔɔ mo see daweesee man, na n ka gyeŋ nyi maŋ yɛna Degbeŋgyoo, Iserae Wurubuarɛ ŋon ɔ be lɔ yele baake neŋ.

Maa ta n siaman, na maa tala bulase, maa tekerii kɔbere anaanɔɔse, na maa kɛrɛɛ nyeela ŋan doo ŋe man.

Maŋ yɛna Degbeŋgyoo, te ŋolo be kyaa ya, maŋ wɔle na Wurubuarɛ ŋolo be kyaa ya. doo nyi n ba gyeŋ maŋ ya, mɔna maa do neŋ doŋ, na balaŋ kenyiŋ gyeŋ nyi ŋolo be kyaa me wɔle, lee weese dɛɛlee, kelii weese dɛɛgyoe ya. Maŋ yɛna Degbeŋgyoo, te ŋolo be kyaa bela ya.

Maŋ yɛɛna keŋmaŋee te me yɛɛ detiŋtɛɛ, ma moo kede kɔŋ, te ma moo nombiikum kɔŋ, Maŋ Degbeŋgyoo yɛɛna kɛŋa pou.

<<Ɛmɛɛ baŋ ɛ kyaa tɛɛle kei dɔɔ pou, ɛ bese kɔŋ me gyaŋ na maa lɛɛ ɛ nyee, nawolo nyi maŋ yɛna Wurubuarɛ te ŋolo be kyaa ya.

Kei yɛna keŋ Degbeŋgyoo be yako ɔ walaŋ ŋon ɔ be tiu e nuŋ nɛ, fa Korese ŋon mɔɔ lɔ kyaŋ e ɔ dunoluŋ nyiŋmaa, nyi maa yɔkɔse tɛɛlese ɔ siaman. na maa booli gyooneŋ gbegyase, na maa toro asima ɔ siaman, na bɔɔ tɔe anaanɔɔse ya.

Ma te kaŋ ma wose ntam, me nɔɔ te kolosi anokoare nombia, nombia ŋan mɔɔ gyae maa kyɛɛkee ŋa ya. Doona pou gyae ke buŋ maŋ, laakem kamase gyae ke kaŋ ntam fa maŋ.

Lee ma somere Yakɔbe, na Iserae ŋon mɔɔ lese nɛ dɔɔ, me lɔɔ yele baake neŋ, doo nyi n ba gyeŋ maŋ ya, mɔna me ta mo obuo fa neŋ