Popular Bible Verses from Yesaya 55

Share

Nawolo nyi ma nyeempɔ te yɛɛ yaa nyeempɔ ya. ɛ gbɛɛneŋ te yɛɛ me gbɛɛneŋ ya,>> Degbeŋgyoo torola yako.

<<Mena keŋ adido korɛɛ kela tɛɛle nɛ, mena ke te me gbɛɛneŋ kela ɛ gbɛɛneŋ te ma nyeempɔ kela yaa nyeempɔ.

Ɛ kɛo Degbeŋgyoo debaŋ keŋ ɛ ke naa e, ɛ baake e debaŋ keŋ ɔ benaa.

Akpanyanyaŋtena baa yela be gbɛɛneŋ, na baŋ bɔɔ tenɛɛ ya nɛ ke kyɛɛkee ba nyeempɔ. Baa bese kɔŋ Degbeŋgyoo gyaŋ na waa wii be waraŋase, na de Wurubuarɛ gyaŋ, nawolo nyi waa mo kyɛɛ wɔ faa.

<<Ɛ kɔŋ, ɛmɛɛ baŋ pou loŋboaneŋ na ko ŋon, ɛ kɔŋ loŋse ŋan gyaŋ, ɛmɛɛ baŋ ɛ be dana kɔba ya, ɛ kɔŋ kaa lɛɛ na ɛ ke di! Ɛ kɔŋ kaa lɛɛ waen na miliki bɔɔ na mo kɔba lɛɛ ya, te kɔɔ dana koya ya.

Mena keŋ ɔga na senoo na lee adido kaa yala, te ke bɛɛ bese gyu bela ya mɔna kɛɛ fɔ tɛɛle, na abɔɔ te tuu na ŋa te dee, na ka see bia fa wɔɔ farale na weenɛɛ anediŋ fa diiri nɛ, mena te nombia ŋan na lee me nɔɔman nɛ doo. Ka be gyae ka bese kɔŋ me gyaŋ yakaa ya, mɔna ke gyae ke yɛɛ keŋ mɛɛ gyae, na ke yɛɛ keŋ dɔɔ mɔɔ kpila ke nɛ.

Ɛ ka mo kenyaŋee lee, baa ta ɛ siaman wosefɛɛreŋ man, bulase na bulasebia, baa lɔ nɔɔneŋ ɛ siaman, na ŋale man daase pou ke gyɔ ŋe nyiŋmaase.

Ɛ see deŋele na ɛ ke kɔŋ me gyaŋ, ɛ tei na ɛ ke nyiŋ nyeedoŋ. Maa bakenɔɔ kekpaakekpaa na ŋon, ma anokoare kegyae keŋ mɔɔ yakosee fa Dawide nɛ.