Popular Bible Verses from Aduya 3

Share

Mo n konɔɔ pou lɔ Degbeŋgyoo dɔɔ, na mo n wose lɔ nyaŋ gbagba n nombia man kenyii dɔɔ ya. Yɔkɔse n wose fa e n kekyaabii man pou, ŋon ne gyaela waa tenee n detɛe man.

Na kɛɛ n wose nyi n sia te kare ya, yee Degbeŋgyoo na n ke bɛɛ dukum keyɛɛ.

Mo nya dedii, na n weenɛɛ gyaŋgba nyiŋan pou do Degbeŋgyoo obuo. Kenaŋ na n kpeese gyae ke wulu leki, na waen wɔle ke wulu nyɔ osuŋse belebelebele.

Na yele kegyae keŋ taŋ ɔto ya na anokoare kedi ke paŋ neŋ ya, mo kpaŋna n wɔŋe, ŋmarase ŋa gyakaa n konɔɔ dɔɔ.

Me bu, nyi Degbeŋgyoo da tenee neŋ nɛ, na bɛɛ ke ya, nyi ɔ kalena neŋ nɛ, na yele ke takaa neŋ ya. Nawolo nyi Degbeŋgyoo na tenee baŋ ɔ ne gyae wɔ, ŋgba mena keŋ kya ne yɛɛ ɔ bu ŋon ɔ na gyoo ɔ sia nɛ.

Me bu, na wolee me kawola ya, mɔna mo ma mmaraase ŋan do n konɔɔ man. Nawolo nyi ŋe gyae ke yela n kulutooneŋ ka bo, na ka mo wosefɛɛreŋ kɔna neŋ.

Baŋ ba gyeŋ nyansa, na baŋ bee nyii nombia man nɛ, baŋna nyeebam. Nawolo nyi ɔ dana tɔnɔɔ burum kela kɔba wolom, te abɔɔ kpaakpaa na lee ɔ man kela kɔba yayam. Ɔ na lee koya kela kegyaŋase kpaakpaa nyiŋan, kpene keŋ ne gyɔ neŋ loo be maana e ya.

Akpaa gbɛɛ doo na, na bɛɛ deeli keyɛɛ fa baŋ kaboena nyi nya yɛɛ fa wɔ ya.

Nyansa te Degbeŋgyoo moowɔ see tɛɛle mokɔɔ, nombia man kenyii te ɔ moowɔ see adido.