Popular Bible Verses from Kesikpɛkpɛ 6

Share

Apaleteɛ abakpɛ ɔmɔpɔɛ sɛ abhɛtɛ anɔdzrame atɔɖɔ kesiakpa nabha, kɛlɛ yɛ kiteɛ mɛ bayukù nɛ̀ ɔmɔpɔɛ.

Apaleteɛ amɔ̃ kana gɛ banɔdzrame kɛtakpumɛ gagalĩ nɛ kesiakpa nabha kiwu kabha, kɛlɛ yɛ kɛtakpu mɛ nɛ̀ kitemɛ tɛpɛpɛ dzi kibui kpa kibenyiabe.

Pɔ Apaleteɛ ebi Noa ashagabui.

Ebuiɛ gɛ Noa akpɛ awɔ̃ eluɔ naalɛ. Noa edzì anɔ dadãlɛ gɛ bagɛ mɔ kɛpɔ nanà nɛishu nɛ banɔ ɛshi nɛ yɛibeɛ, kɛlɛ azagã nɛ̀ Owusoso Akaa.

Kliso Apaleteɛ abaɖɔ asɛ, "Ɛbabu banɔnɔ gɛ ɛbhɛtɛ oyinɔ nɛ kesiakpa nabha-banɔdzryame nɛ̀ baagã, baagã gɛ etsì nɛ kesiakpaa nɛ̀ bɔzhyɔɛ nɔ gɛ bɔkpasɛ kɛlɛɛ nɔ mɛ-ɔmɔsɛ ɔmɔpɔɛ oyimɛ sɛ ɛbhɛtɛ alɛ."

Gɛ banɔdzrameɛ tɛkakalà mɛ ewu kabha nɛ kesiakpa nabha pɛ bamɔ beyiadzɛ pɛ bekpeɛ, Owusoso Akaa yɛeyialɛ amɔ asɛ badzɛɛ gɛ banɔdzrameɛ amɔɔ beyì bubite, kliso bagbana bagɛ bapɛ nɔ. Kliso Apaleteɛ aɖɔ asɛ, "Mɛ ɔfɔfuiã nɔ lɔzɔkɔ zã anɔdzrame mɛ ɔvɛnɔ tihɔɔ, ɔmɔsɛ ishudza yɛete yɛenu, yɛewuiɛ abazã agɔ alafa nɛ̀ afɛtaabha." Banɔ gɛ baɖama pɛ begbogblo bazã kesiakpa nabha nɛ kibe ɛlɛ nɛ̀ kibe kidegba mɛɛ, kibe ɛlɛ Owusoso Akaa yɛ beyianyɛ bavɛ beyiadzɛ gɛ banɔdzrame bamɔ balɛ ɔkɔ pɛ banɛ alɛ adɛmɔ beeyi. Balɛ edzì beyuta gɛ bayɛkɛ kinye, nɛ kibe kuku ɛlɛ mɛ.

Noa abhɛtɛ kɛkanyiaka asɛ kanà gɛ Owusoso Akaa akpɛ ɔshaa ɔkɔɛ.

Kliso Owusoso Akaa etseɖe Noa asɛ, "ɛba bu banɔnɔ petee ɛkpã oyinɔ, ɔmɔsɛ kanɔnɔ nyɔɔ eyuku nɛ̀ kɛtakpumɛ gagãlĩ ebui nɛ anɔdzrame shu so. Ɛbazĩ balɛ petee nɛ̀ kesiakpa gɛ kɛtɛba tsyina.

Kliso bhɛtɛ aɖaka ohu, bu beevũ nɛ yɛmɛ, tɛ ɔlɔkɔ kɛmɔ̃ odeɖe yɛ mɛ nɛ̀ yɛishuɔ piapii.

Owusoso Akaa amɔ kana gɛ kanɔnɔ mɛ ebeku bɔtsɔ̃, ɔmɔsɛ banɔdzrame nyɔɔ nɛ kanɔnɔ mɛ baza bhɛtɛ ebui fitifitì.

Kɛlɛ ɔsɛ ɔlɔkɔ bagã gɛalɛ nɛkpã kanyiaka edi taabha, enyè nɛ̀ adzɛ tɛ bamɔ ɛkpã aplɛnɔ wɔ.