Popular Bible Verses from 1 कुरिन्थी 2

Share

बकिर परमेसर आला बचन रे नोकान लिखा लअः एदनाआ, “ची परमेसर अपन दु-दुलार कु के जे तेयार तदाय, होना के ओके होः काकु नेल तदा, ना जाहें नेल तदाकु, आउर ना जाहें मन रे सोंचाव तदाकु।”

दुनियादारी होड़, परमेसर आला आतमा रअः बात रे इरकु बिसवासेआ, एता लःअय ची होना बात के मुरुखता समझाव कोआय, हुनी होना के काय समझाव दड़ीआ। एता लःअय ची हुनी आला परखाव पबितर आतमा तरअः गी हुयाआ।

बकिर परमेसर नोःआँ बुधी के अपन आतमा तरअः आबु रे दिसतार तदाय। एता लःअय ची आतमा जामा जिनीस के नामेआय, नोःआँ जगुत ची परमेसर आला भीतरी रेनअः बात केहोः पड़ीआय।

आबु नोःआँ दुनिया रअः आतमा के काबु नाम तदा, बकिर परमेसर तरअः पबितर आतमा के नाम तदाबु, जेकर से ची आबु होना बात के पाड़ी सकायबु ची परमेसर आबु के बकसिस रे एम तदाय।

ईङ आला बचन आउर परचार रे बुधी आउर लो-लोभाव वाला बात काम रे काईंग आगु थिलाअ, बकिर ईङ परमेसर आला आतमा आउर समरथ लोः साबित लाईङ। जेकर से ची आपे आला बिसवास मनवाकु आला बुधी रे कोवान बकिर परमेसर आला समरथ रे टिकाव ताहिनोअ चाही।