Popular Bible Verses from रोमीकु 6

Share

एता लःअय ची पाप रेनअः बनहिंयारी मराईन हेके, बकिर परमेसर आला बरदान आबु आली परभु ख्रीस्त ईसु रे का-अन्तोः जिनगी हेके।

आपे रे पाप रअः एतान हक होः एरे ताहिनोआ। एता लःअय ची आपे कनहुन आला कोवान बकिर दया रेनअः कबजा रेपेआ।

हिना लःअय होना मराईन रेनअः बतिस्मा ईदी केते आबु हुनी लो: गाड़ा नेनाबु, जेकर से जे लकान ख्रीस्त आपा आला महिमा रेनअः दोवासते गोएःग उनकु मेसे जिवीःड नेनाय, हिना लकान आबु होः नावाँ जिनगी रे चलाअबु।

आउर ना अपन अंग के पाप लःअय अधरम रेनअः हांथेयार हुयाअः लःअय आलपे जिमाके, बकिर अपन के गोएःग उनकु मेसे जिवीःड उनकु पाड़ी केते परमेसर के जिमाइपे, आउर अपन अंग के धरम रेनअः हंथयार हुयाअः लःअय परमेसर के जिमाई पे।

एता लःअय ची आबु पड़ीआबु, आबु आला मारी चाईल-चाकर ईसु लोः कुरूस रे रकाःब चुकाव ताना, जेकर से पाप रेनअः होड़ो गोएःग जुनोः आउर आबु फिन पाप रेनअः बंधाउवा रे अलबु ताहिन।

आपे होः अपन के निआँ लकान गी समझअपे पाप लःअय गोएःग उनी आउर ईसु ख्रीस्त रे परमेसर लःअय जिवीःड।

दो आबु एतान कंहड़ीयाबु? एतान आबु पाप एकायाबु, ची दया बढ़ाव सेन? हिरगीस कोवान! नोःआँ एता लकान हुयाव सकाव कोआ ची आबु, पाप रेनअः बारे रे गोएःग चुकाव तनाबु, होना रे एता लकान जिवीःड कोआबु?

एतान आपे कापे पाड़ीआ ची जब आपे जाहें आला हुकूम मनाअ लःअय अपन के बंधाउवा रेनअः भेस रे हुनी के जिमा उइयापे दो आपे बंधाउवा हेके। फिन चाहे आपे पाप रेनअः बंधाउवा बनाअः पे, जे आपे के गोएःग केपेआय, आउर चाहे हुकूम मनाअ रेनअः, जे आपे के धरमिकता पखी इदी केपेआय।

परमेसर के धन्यवाद हुयाअः ची आपे, जे पहिल पाप रेनअः बंधाउवा थिनापे, नहाअः गोटा मन तरअः होना सिकछा रेनअः नमुना रे चलाव एहेःब नापे, जे आपे के एम लअः एदनाआ। आपे के पाप तरअः छुटकानी भेटाव ना आउर धरमिकता रेनपे बंधाउवा पाड़ीअ नापे।