Popular Bible Verses from EPH 2

Share

येनटीक की मनाम परमेश्वर शेईद रचना उंडाम याद ख्रिस्तला उंडाद दिनिचांग मना जीवनला शिंगार फनुल शेयना याय परमेश्वर पहिलाने योजना शेशी फेट्टीन्या.

येनटीक की परमेश्वर कृपाता विश्वासताने मिद तारण आयनाद इंगा आदी मी तीकेल कालेद, तर इदी दान परमेश्वर तीकेल उंडाद, मना कर्मला इचांग इदी कालेद दिनिचांग यवारुच घमंड शेयाराद.

पण परमेश्वर शेंगेम दयाळु उंडाड येनटीक की वान महान प्रेमता वाड मना मिंदा प्रेम शेशा. मनाम मना पापला इचांग सच्चीनोर उंटीम आप्पुड वाडे मनाक ख्रिस्तन जताक कोत्ताद जीवन इच्या. मिद तारण परमेश्वर कृपाता आयनाद.

इंगा मनालनी ख्रिस्त येशुन जताक लेप्या इंगा स्वर्गला वान जताक कुसनामत्या.

दिनिचांग इप्पुड मीर अनोळखी इंगा परदेशी लेर. तर मीर परमेश्वर मंदी जताक स्वदेशी इंगा वान परिवार लोन्टोर उंडार मीर प्रेषित इंगा संदेष्ट्याल नेरपीने जोता मिंदा कट्टीने इमारत उंडार इंगा ख्रिस्त येशुड स्वता दान कोनाद राय उंडाड.