Popular Bible Verses from EPH 4

Share

वगामेगार जताक कृपाळु इंगा दयाळु कांडा इंगा यल्ला परमेश्वर ख्रिस्तला मी अपराधलु क्षमा शेशा आल्ले मीर पण वगामेगारनी क्षमा शेयना.

आंता नम्रताता, सौम्यताता इंगा दम फट्टीगास प्रेमता वगामेगारदी सहन शेयना.

मी नोटल्योन्केल यादुच वाईट माटा यल्लाराद, तर यप्पुड गरज उंडाद आप्पुड आद्दे यल्लाला याद उन्नती इचांग शिंगार उंडाद. दिनिचांग की यवाड इंटाड वानकी कृपा शिक्काला.

आन्नी प्रकारदी कटुता, संताप, कोफाम, जगडाल, परमेश्वरदी निंदा इदी आन्नी प्रकारदी दुष्टाई मी देगाटेल धुराम शेय्याला.

मीर कोफाम शेयना पण पाप शेयाकुंडा.' फद्‍दु मुन्गाकाना मुंची मिद कोफाम इडस्काडना. शैतानकी संधी इयाकुंडा.

तर मीर मिद पहिलाद मनुष्य स्वभाव तिशी फेकेयना, याद दान भटकामते इच्छाल इचांग भ्रष्ट बनाशीनेद उंडाद, दिनिचांग मी आत्मिक स्वभाव मनला कोत्तांग आयकेन फोना, इंगा यवाड कोत्ता मनशी, यवाड परमेश्वर लेका सत्य नितीमत्वला इंगा पवित्रताला बनाशीनाड. वान फेटकोना.

शांती बंधनला पवित्र आत्माद एकता फेट्टेदेंक प्रत्येक माटाला प्रयत्न शेयना.

इंगा ख्रिस्त येशुड काही मंदीक प्रेषित, संदेष्ट्याल, सुवार्ता शप्पेतोर, पाळक इंगा शिक्षक इल्ला दानलु इच्या. ख्रिस्तड इ दानलु वारकी परमेश्वर मंदी सेवा इचांग तैयार शेशेदेंक इच्या दिनिचांग की मनाम यवार ख्रिस्तनदी फय उंडाम, पवित्र आत्माला शक्तीशाली कावाला. इदी परमेश्वरदी इच्छा उंडाद की मनाम आंदार वगा विश्वासी कावाला येनटीक की मनाम परमेश्वर कोडकु मिंदा विश्वास फेटताम इंगा मनाद वाढ कावाला दिनिचांग की मनाक वान बद्दलदी ज्ञान तेल्वाला, परमेश्वरदी इच्छा उंडाद की मनाम एकजुट आय्यी परिपक्व विश्वासी कावाला इंगा ख्रिस्त यवाड परिपुर्ण उंडाड वान लेका वाढायाला यवाड परिपुर्ण उंडाड.

दिनिचांग की मनाम दिन मुंदारकी शिन्ना बिळ्ळालेका लेवाराद. आंटे मन्सुलाद कपट, चालाकीता, फसाय मते दावाता एका फोये योजनाल इल्लोन प्रत्येक कोत्ता शिक्षणकेल वच्चे घालीता मिद दावा इक्काड आक्काड हालाशे हव्वा लेका कावाराद; तर मनाम प्रेमता सत्य माटलाडाला इंगा प्रत्येक मार्गला वान दिंटल्या वाढास्का फोवाला यवाड मना प्रमुख उंडाड, ख्रिस्त