Popular Bible Verses from ROM 3

Share

येनटीक की आंदार पाप शेशीनार इंगा वार परमेश्वर गौरवकेल धुराम आयनार; पण परमेश्वर कृपाता ख्रिस्त येशुड किंमत निंची इच्चीने मुक्ती तीकेल वार फुकट नितीमान ठरास्तार.

आंटे परमेश्वर मना आंदारनी येशु ख्रिस्त मिंदा विश्वास फेट्टीने इचांग नितीमान ठराय मतनाड, येनटीक की वाड यवार संगाच भेदभाव शेयाड.

वाड ख्रिस्तन रक्तामता प्रायश्चित आंका वान मुंदारकी फेट्या, याद विश्वासता प्रभावी आयताद, पहिला शेशीने पापला तीकुड परमेश्वर वान सहनशीलता इचांग लक्ष इयालेद; दिनिचांग की वार दिंटल्या वानदी नितीमत्व प्रगट शेयाला; वाड इप्पुड इ वेळला स्वताद नितीमत्व प्रकट शेयाला, आंटे वाड नितीमान उंडाला इंगा यवाड येशुन मिंदा विश्वास फेटताड वान नितीमान ठहरामतेतोड कावाला.

येनटीक की नियमशास्त्र पाळाशी यादुच मनशी परमेश्वर मुंदार नितीमान ठरायाक फोई, येनटीक की नियमशास्त्र तीकेल इदी यरका आयताद की मनाम पापी उंडाम.

यल्ला की पवित्र शास्त्रला राशीनेद पण उंडाद, “परमेश्वर मुंदार यवाडुच मनशी नितीमान लेड, वगाड पण लेड. यवानकी तेलस्ताद की येम शिंगार उंडाद इल्ला यवाडुच लेड, यवाड मन आंची परमेश्वरनी फुडकुताड इल्ला यवाडुच लेड, यवारकीच परमेश्वरनी गुरतु फट्टेद लेद, आंदार परमेश्वर इचांग येमीच फनीक निलवालेद; शिंगार फनुल शेशेतोर यवारुच लेर, वगाड पण लेड.

दिनिचांग, मनाक इदी यरका उंडाद की मनशी नियमशास्त्रलोन फनुला इचांग लेद तर विश्वासता नितीमान ठरास्ताड.

अजिबात लेद! परमेश्वर खरेम इंगा प्रत्येक मनशी लबाड ठरायाला. पवित्र शास्त्रला इल्ला राशीनेद उंडाद की, हे परमेश्वर, नि माटलाला नु नितीमान ठरायाला, इंगा नीद न्याय आय्येताप्पुड नीद विजयी कावाला.