Popular Bible Verses from GENESIS 27

Share

Kalunga ne ku pe omume yeulu nomaadi edu noshishipo shoilya noshomaviinyu. Oiwana nai ku longele, nomaludi nae ku twile eengolo. Ove kala omupangeli wavamwanyoko, novana vanyoko nave linyongamene poshi koshipala shoye. Nava fingwe ava tave ku fingi; ndele nava nangekwe noupuna ava tave ku nangeke noupuna.”

Opo nee Esau okwa tya: “Heeno, ye eshi ta ifanwa Jakob, osha twa! Osheshi ye okwa kengelela nge luvali: okwa nyeka nge oushiveli nopaife okwa nyeka nge enangekonoupuna. Nokwe mu pula vali ta ti: Ino fiila nge po nande enangekonoupuna limwe?”

Opo nee xe Isak okwa nyamukula ndele ta ti kuye: “Onhele yokukala kwoye otai ka kala kokule nedu liwa nokokule nomume yokeulu pombada. Ove oto ka kala nomwenyo meenghono deongamukonda ndele to ka longela mumwanyoko. Ndele tapa kala, ove ngeenge to fi ouladi, oto ka kandula po ondjoko yaye kofingo yoye.”

Opo nee Esau okwa pula kuxe ta ti: “Tate, enangekonoupuna limwe alike wa li u kwete? Nangeke nge yo noupuna, tate!” Ndele Esau okwa lila pombada.