Popular Bible Verses from JOHANNES 14

Share

“Ombili ohandi i mu fiile, ombili yange ohandi i mu pe. Itandi mu pe ngaashi ounyuni tau yandje. Omitima deni inadi nyika oluhodi, nye inamu tila.

Jesus okwe mu nyamukula: “Aame ondjila noshili nomwenyo; kape na ou te uya kuTate, ngeenge hamwaame ta pitile.

“Omitima deni inadi nyika oluhodi. Itaveleni Kalunga nye mu itavele nge yo.

Ndelenee Omupopili, Omhepo Iyapuki, Oye Tate te ke i tuma medina lange, otai mu longo ashishe ndele tai mu dimbulukifa ashishe nde shi mu lombwela.

“Ou e noipango yange ndele te i diinine, oye tuu ou e hole nge; ndele ou e hole nge, ota kala e holike kuTate, naame yo ondi mu hole, ndele handi mu lihololele.”

Naame ohandi indile Tate, ndele Oye te mu pe Omupopili umwe, a kale punye alushelushe, Oye Omhepo yoshili, ei ounyuni itau dulu oku i tambula, osheshi itau i mono ndele itau i shiiva. Ndele nye otamu i shiiva, osheshi opunye tai kala, nomunye i li.

Ndele keshe eshi tamu indile medina lange, ohandi shi ningi, Tate opo a fimanekifwe mOmona. Ngeenge tamu indile sha medina lange, Ame ohandi shi ningi.

“Ngeenge omu hole nge, diinineni oipango yange.

Meumbo laTate omu na eendjuwo dihapu, ndele ngeno kapa li ngaha, ngeno handi mu lombwele, ohandi ke mu longela onhele.

Nande ohandi i ndi ke mu longele onhele, ohandi aluka, ndele handi mu ile, nanye yo mu kale apa Ame ndi li.

Tomas ta ti kuye: “Omwene, katu shii apa to i, nondjila otu i shii peni?”