Popular Bible Verses from Lukas 14

Share

“Isaav ighe tamtamon eta loolo pa taama, tiina, azaawa, natŋa, toŋvetaz tooni, ma tauu lepoogh tooni iliiv ghau, ene irau imin ziŋerag ve itaghon ghau ne mako.

Ve isaav ighe ŋeer eta ibaad ai pambarooŋ tooni ve itaghon ghau mako, ene i paam, irau imin ziŋerag mako.

Pa tamtamon tau ighe ipakur tauu eeza, ene pale titatan eeza izi. Ve isaav ighe tamtamon eta itatan tauu eeza, ene pale tipakuru, ve eeza imin tiina.”

Ra Yesu iparwai saveeŋ tooni ighe: “Yam tauvene paam. Isaav ighe tsiam eta ighur muuri pa gabua tooni naol isov mako, ene irau imin ziŋerag ve itaghon ghau ne mako.”

“Isaav ighe tsiam eta igham ŋgar pa raoŋ ruum tau daaba malaua na, i aat ileep ve inin poghania maet tooni imin maata. Pale irau ipasov ruum, ma mako? Isaav ighe maet tooni irau, ene aat ipaburigin uraat. Pa ighe ipaburigin uraat to raoŋ ruum, ve ipasovu mako, ene pale tamtamon tisov tau tighita uraat tooni, tiŋiŋ pani ve tiveleghi tighe: ‘Wai, ŋeer tawe igham tiini pa raoŋ ruum tiina na. Ipasovu wa?’

Tauvene isaav ighe yo ugham ghanghaniiŋ, na upoi yes tau irau tigham ghanghaniiŋ mako na, imin yes mbolaaŋa, yes narapeŋa, ve yes tau matazi kumkuuma na. Leso poia to Maaron izaa tsio, ve saawe tau i ipaburigin tamtamon duduŋazi pa mateegh, ene pale i tauu iyol nimam, ve igham lem atuya poia.”

Yesu isaav muul ighe: “Te, ene gabua poia. Eemon isaav ighe tapiri isov ve tetei muul mako, ene pale tagharaata mindai? Mako. Te tauvene, le uraat muul mako. Irau takep tomania ŋgai taae to igham taan ŋgoreeŋa ne mako. Tauvene tisiki ilale. Tamtamon tau ighe le taliiŋa, i aat ilooŋ saveeŋ tane, ve igham ŋgar pani poi.”