Popular Bible Verses from Markus 5

Share

Yesu isaav pani ighe: “Livug, ghuruuŋ ila tsio, tauta iuul ghom gha tinim poia wa. Ula toman lolom poia.”

Livaa ee ilaagh tomani zi paam. I, moroghooŋ to zilivaa ikisi irau ndaman saŋavul ve ru wa. Uraata katini to gharatooŋ moroghooŋa titoova to tiuule, ve i iyamaan yavyavuuŋ tiina ila nimazi, ve ipul maet tooni isov pa gholiiŋ zi. Eemon eta irau iuule mako. Mako kat. Yes titoova, eemon tigham le moroghooŋ tooni isaghat kat.

Saawe duduuŋ tana, siŋ imot pani, ve iyamaan tauu ighe tiini poia wa.

Yesu ikis niima, ve isaav pani ighe: “Talita kum!” Saveeŋ tane, puughu tauvene: “Livaa marani, yau nasaav payo: Uburig!”

Yesu isavsaav soone, ve zeran siriv tileep Yairus ruum tooni gha tilam, ve tipaes pani tighe: “Olman, ugherev sorokin mos puughu tane ilam pasaa? Natum livaa raa, imaat wa.” Eemon Yesu taliiŋa irav saveeŋ toozi. Tauvene isaav pa Yairus ighe: “Uroi sov. Ukis ghuruuŋ ila tsio ariaaŋ.”

Yesu isaav pani ighe: “Avuvu saghati, ughau pani!” Tauvene avuvu saghati tawe iboob aliiŋa tiina kat ila ŋeer tana aavo ighe: “Aii, Yesu! Yo Maaron Tiina Tau Iliiv Zimaronŋa Tisov na Naatu. Ulam sene pasaa? Yau nambaaŋ payo ta ulam ne? Yau nataŋ rarai ghom ila Maaron eeza, ughur yavyavuuŋ payau sov!” Yesu ighasoni ighe: “Ezam sei?” I iyol aliiŋa ighe: “Yau ezag Legion (o Ndiŋndiŋ Ndiŋndiŋ). Pasaa, yei eval kat.”