Popular Bible Verses from Lukas 6

Share

Yandjen̯i, nan̯e mamu ka pewa. Iinga, mamu ka pewa mekolo ondjeleko ombwa ndjaa papelwa, hai tjukwatjukwa, hai hungu, mena lyokutya himamu yeleke natjo, nan̯e otjo mamu ka yelekwa natjo.”

Omuntu omuwa u hololola ouwa mbumau dhi momutima we omuwa, nomuntu omuvi u hololola ovipuka vye ovivi, mena lyokutya otjinyo tji popya hitje yula momutima.

Iya kalen̯i amu hole odhondjedhi dhen̯i, mu ve ningile ouwa, mu ve levalethe n̯e ahamamu kevelele okutjun̯inwa, ondjambi yen̯i mai kala onene, n̯e mamu ka kala odhondele dhaKalunga Owokombandambanda, mena lyokutya ye u na onkenda namboka mbahava pandula novavi.

Kalen̯i nonkenda, ngaIho hiee na onkenda.

“Hámu koyo, nan̯e opo hámu koywa. Hámu yandja onkali, nan̯e opo hámu pewa onkali. Liithilen̯i po odhonkali, nan̯e wo opo mu ka ithilwa po.

“Iya n̯e mbamamu nteelele, me mu heele okutya kalen̯i amu hole odhondjedhi dhen̯i, ningilen̯i ouwa mboka mbave mu yele. Ngume ku thingi, mu pa elao, ngume ku ningi navi, mu kumbila.

Ngahi mamu hala ovantu ve mu ningile, nan̯e wo ngatjo mu ve ningila.

Ngoka ngume ku tono koluyewo, mu pa olukwawo, nangoka ngume ku nyeka ekapote, hó mu lwaapele notjokohi. Omuntu auhe ngume ku kumbu, mu pa, nangoka ngume ku nyeka otjipuka, hó mu kondjetha e tji tjun̯e.

“Iya kaku na tja omuti omuwa, mbuu ma ovinyango ovivi. Ko kaku na tja uke omuti omuvi, mbuu ma ovinyango oviwa.

Iya omuti auhe u dhimbukilwa kovinyango vyawo. Omakuyu a nyangwa komulodhi ne odhombe dhi nyangwa komunkondo?