Popular Bible Verses from Mateus 24

Share

Iya mena lyokutya ouvi mau ka kala owingi, ovengi kaava ka kala ave lihole. Iya ngume likambulithile katee pehulilo, ma ka hupithwa.

Iya ondaka hendji ombwa yotjilongo tjaKalunga mai ka teethelwa ouye auhe, i ningile oviwan̯a avihe oumbangi, tjau atjaa haku ya ehulilo.

Iya mamu ka tyaa ovita nomipopyo ouhunga novita. Talen̯i, hámu tilithwa. Ovipuka hembi vi tha okuningwa, atjaa ehulilo kaliye ya.

Otjiwan̯a matji ka lwitha otjiwan̯a otjikwawo, notjilongo matji ka lwitha otjilongo otjikwawo. Maku ke ya ondjala, nohi mai ka teketa pomaluvedhe nomaluvedhe. Ovipuka hembi avihe omautilo oudheu ngedhimo amali kweya.

Eulu nohi mavi hulu, iya odhondaka dhandje kaadhi hulu.

Iya ovantu ovengi mave ke ya nena lyandje, wo have lityaa: ‘Aame Messias,’ iya mava ka pukitha ovantu ovengi.

“Iya ovantu mave ke mu yandja mu tatethwe, n̯e mu dhipawe. Mamu ka kala amu yelwe koviwan̯a avihe mena lyandje. Iya ovengi mava ka yetha eitavelo, mave ke liweleleka, wo hava ka kala ave liyele. Iya maku ya ovaprofeti wovithithi ovengi, iya mava ka pukitha ovengi.

Jesus we ve yaka ha tyaa: “Lungamen̯i, hámu pukithwa komuntu noumo.

Iya nan̯e wo kalen̯i amwe lilongekedha, mena lyokutya Omuna wOmuntu me ya powola ndjihamamu mu kevelele.

“Iya pathumuken̯i, mena lyokutya kamu tji i okutya Muhona wen̯i me ya etango patji.

“Iya etango ne owola ndjoka kape na nguu i i, novaengeli meulu ne Omuna, kakele vala kaTate aika.

Iya maku ke ya oomessias wovithithi novaprofeti wovithithi, mava ka ninga omatangan̯eko omanene novilingakumithi, va pukithe, andaa matji tjiiwa, novaholowolwa wo.

Iya ngahi tja li pomatango aNoa, otjo matji ka kala pokuya kwOmuna wOmuntu. Iya ovantu ngahi va li pomatango ngoka ngaa tenga ethundja tainkolo háliye ya, va nwa, va kupa, wo va kupitha katee etango ndyoka Noa a hita mondjuwowato. Iya wo kava li ave tji i, katee ethundja lye ya, hali ve han̯auna po avehe, iya otjo matji ka kala pokuya kwOmuna wOmuntu.