Popular Bible Verses from Lûkə 10

Share

Nyí wúkan mi, m mə̌ nyə́ ɛ bə́ wunja, nána nyí tíŋgání ɛ dyaŋ nyɔ̌ na mabu, na álí wɔ́ŋ ngínya litúm ngínya ɛ́ sátan na baʼ bá ɛkfwɛyí bá nyə, ká yǔm ɛ́ si shiyán nyə́.

Yésuwə a pushú mɔ́ nána, “Matá, Matá! Ɛ̌ látí nyǔ, ɛ̌ taʼ á nlə́m á misam jǐta. Ndé nsam nfɔ́ n dí ámə́ n dí n mbímbí. Meríyə́ a pwɛsí yǔm ɛ́yə́ ɛ́ tɛ́ŋgɛ́ní. N tíŋganiyǎ ɛ́ bwə bá kúwán mɔ́ yɔ́.”

Mɔ ani a pushú nána, ‘Nə̌ŋ Sáŋgúwə́ Dyǔ lí wə na nlə́m n wə nsə́sə̌n, na mudî n wə nsə́sə̌n, na ngínya ɛ́ wə ɛsə́sə̌n na likani lí wə lísə́sə̌n. Ɛ nə̂ŋ bǎn-bá-nyǎ bá wə ngə ɛ nəŋíní nyǔ ɛ́ wə.’”

Yésuwə á byábí á bawútú bá mɔ nána, “Ndfukú ɛ mə́ ɛ yɛ́ jǐta, byə̌m bí bwí álí páʼ, ndé bapálaʼ bá bwíyǎ átin. Áfánikə̌, nyí káni nána nwɔ́ŋa-a-ndfukú a lúm bapálaʼ.”

Ti Yésuwə a kɔ́ndɛ́ mulɛ̂ á mbéndá ani nána, “Á likani líwə, a baʼ bâ bálán ábə́ bá tání mɔ awə̌ bajíb bá lábíní, njá a bílí mwǎn n nyǎ n mɔ́?” Mulɛ̂ a mbéndá a pushú nána, “Awə̌ a lúfú mɔ́ likini lí nlə́m.” Ti Yésuwə a pɔŋí mɔ́ nána, “Wə pə́ kə̌ ɛ bwə mulimlim.”

Kəkáni, ndé nyí lɔ́lí ɛ bî nána nǎn lúm nyə́ ngə bǎn-bá-mílɔŋgi á wútitîn wú ngvɛʼ.