Popular Bible Verses from Mâkə 13

Share

Baʼ bá kfwɛ nyə́ á ɛ́tútú dǐn lí myə. Ndé a wə̌ a wɛnsání ta á shú, á kwisí líshuŋgɛ.

Nyí nǔŋ púndá, nyí búnsan á ɛ́tútú nána nyí bíyǎ púndá ɛyə̌ púndá ɛni ɛ́ paʼní.

Njí bá wálí nyə́ bá panán nyə́ á kúti, nyí si takí nyǔ á yǔm ɛ́yə́ nyí byání. Njí púndá ɛni ɛ pílí, nyí byá ká njá yǔmə́ ɛ́yə́ ɛ́ bə́kání nyə́, á ɛ́tútú nána yǔm ɛ́yə́ nyí byání ɛ́ fí á Mudî ámə́ n Sáŋí suká á nyə́.

Wudya wú Dyǔ na nkínshíyə bí mɛ, ndé biyala bí myə bí bá wə́ bí bá.

Mɔ ká nfɔ́ a bíyǎ bǔn tɔ̌ púndá ɛyə̌ misam mín mí bwəlání. Ká áŋgɛl ɛ́yə́ ɛ́ dí ámǐn bá bíyǎ, ká Mwǎn pə́ a bíyǎ. Sáŋ mɔ́mə̌n nfɔ́ mɔ́ a bí púndá ɛ́yə́ misam mín mí bwəlání.

Njí nyí wúkí na bá wan tɔ nyí wúkí ndúm ɛ njum, nyí si tǎʼ. Mínán mí lɔ́lí ɛ bwəlan, ndé ɛ́ shiyǎ nána lishú lí mə́ ɛ paʼ.

Áfánikə̌, nyí nǔŋ púndá á ɛ́tútú nána, nyí bíyǎ púndá ɛyə̌ sísə́ a ndáʼ á paʼní. Á púl ɛ́ paʼ á kwin, tɔ̌ nləm mú wúdû, tɔ̌ mushú mushú pilílí tɔ̌ mushú. Njí a pilí təlí, a lɔ́liyǎ nyə́ ɛ́ tán nyí nalíyá wuyɔ́. Áfánikə̌, suka nyə́ na nyə́ nán pɔ̌ŋní nsam múnán, ndé nǎn pɔ̌ŋ baʼ básə́sə̌n nána ‘Nyí nǔŋ púndá.’”

Ɛkumbu ɛfɔ́ ɛ́ wán njum tɛ́ŋgɛn ɛkumbu ɛpə́pə̂. janiya lifɔ́ lí tyə́ tɛ́ŋgɛn janiya lípə́pə̂. Ndɔʼ ɛ́ sáʼ á mabú nyai na nyai, njɛ ɛnə̂n ɛ́ bá. ‘Ɛ́yín ɛ́ bá ngə wuwa wú wúsúsúwə wú líyá.’”

Ndúm ɛ mbâ ɛni ɛ lɔ́lí ɛ byában á baʼ bá bikumbu bísə́sə̌n byáná lishú lí paʼ.

“Baʼ jǐta bá paʼ á dǐn lí myə, bá byá nána ‘Mi n dí Awə̌ bá Wɔ́kílíní.’ Bá səŋ bâʼ jǐta.

Nyə́mə̌n nyí lɔ́lí ɛ bá á mbumsan njí misam mínán mí bútí ɛ bwəlan. Bá bə nyə́ á mákɛ́ má baʼ bá kúti. Bá lá nyə́ mbɛ́ti á ndáʼ ɛ makáni ɛ́ baʼ bá Ísrɛl, nyí tyə́ á múká á wúsú wú bajaniya na kə̂ŋ á ɛ́tútú ɛ́ myə. Ɛ́yínán ɛ́ bwəlan á lí bwə nána nyí pɔ̂ŋ bɔ́ ndúm ɛ mbâ.

Baʼ jǐta bá nyít mɔ na mɔ m bɔ tɛ́ á butí byá matúm nána mɔ́ a dí Ani Awə̌ bá Wɔ́kílíní. Balakuwa bá mudî bá matúm bá bwəlákí mísam mi mayáká na bá lúfú bíyəmblan jǐta. Bá bwə̌ nâni á ɛ́tútú nána, bá sə̌ŋ bâʼ á bə́ Dyǔ lí pwɛ́síní njí nji ɛ dí álí səŋ bɔ́.

Ndé á madû mâ, njí mutakaʼ m mə́ ɛ túm, ‘Dúlu lí tǐm ɛfínjan, ti ngɔn ɛ́ sî púlá pə́ ɛ bə̌ mwíli m mɔ, ti títí ɛ́ fí ámǐn ɛ́ kfúnd áshí, ti mangínya ámə́ má dí ámǐn má sáʼ á mábú má bɔ.’