Popular Bible Verses from Mâkə 4

Share

Ti Yésuwə a tyə́bí ámín, a kándí ɛkful ɛ́yî nána ɛ dyɛ pǐ, ti a pɔŋí madí ná má shúl. Ti ɛkful ɛ́ shúlí, wǔm másə́sə̌n má dyɛ́ pǐ. Yésuwə a byábí á bawútú bá mɔ nána, “Yə̌ nyí báŋní, kə́ŋ ti sɔnsɔ́nǎn nyí wɔ́ŋiyǎ dúbɛ?”

Ndé bɔ̌ŋ bú kúwí bɔ́ jǐta, bá kɔndɛ bɔ́mə̌n nána, “Njá mɔ́ anín? Ká ɛkful na madí bí wúkán mɔ́?”

Yésuwə a bílí á bwálu átin á mbís á naliya. A n nali a nanjí nlú m mɔ́ á ɛ́buŋ-ɛ́-nlú. Ti bawútú bá mɔ bá kǐ mɔ́ ɛ wumí, ti bá pɔ́ŋí nána, “Mulɛ̂, ɛ wɔ́ŋiyǎ púndá ngə sí wání nán ɛ̌?”

“Nyí wási misam ámə́ nyí wúní bwǎm. Mulimlim mú limɛnɛ á ə́ ɛ bwəlání á nsún n wə, mɔ́ pə́ Dyǔ lí bwəlání á wə, ndé lí bwəlan lɔ́ litúm ngə ɛ bwəlání lɔ́ á nsún n wə.

Yésuwə a byábí pə́ nána, Janiya lí Dyǔ lí dí ngə mɔʼ awə̌ a kǐ ɛ sǔ mbuta á mûm átin, ǎ tím mbís á ndáʼ, wudû ǎ nalí, lisín ǎ bwə ɛbulú ɛ́ mɔ. Á púndá ɛni ɛ́sə́sə̌n, mbuta ɛ̌ kə́, ɛ́ kɔlɔ ɛ́yə́ a bíyaní ngə ɛ́ bwəlání.

Ká njá awə̌ a wɔ́ŋí matwî a wú.