Popular Bible Verses from DEUTERONOMY 28

Share

Mose ɔɣere Israel mabi sɔ: Si miwarɛ BOSATE mi Ɣaa kukaakɔ fiɛ misiai ɔ̃ mmara ɔɖuɖu mɛ lotã mi nɔme kukaakɔ ne, BOSATE mi Ɣaa to ɔ̃atara mi ɔsia i kakɔlɛkɔ̃ miɖo nɖebi ɔɖuɖu i karɔ̃ iso.

Si miwarɛ BOSATE mi Ɣaa ne, kusɛkusɛ ɔɖuɖu gɔgbe aaba i mi iso fiɛ kuasiai mi

BOSATE to ɔ̃abara mi iti ɣɛɛ iiɖe ɔkã. Si mikã BOSATE mi Ɣaa mmara mɛ lotã mi nɔme atsue kukaakɔ fiɛ misiai me ne, mito miasia i kato ɔwi biara miibase i karɔ̃ kuiyikuiyi.

BOSATE to ɔ̃abusi kato gu ɔ̃ ara gbodzoo iyo fiɛ ɔ̃asese kado ɔpɛ ɔfere i karɔ̃ iso i ɔwi iso. Ɔto ɔ̃afere kusɛkusɛ i mi nrɔɔ̃ ame karabara ɔɖuɖu iso. Mito mianyɛ ara mitã nɖebi gbodzoo maturi fiɛ miibawãnyi kuira i kuwɛ̃ kɔrɛ.

BOSATE to ɔ̃atã sɔ matsirise ma loata maya i mi iso ne, mato maaɖe ma iso i mi anɔ. Mato mabɔrɛ maba i ibaba iwɛ̃ ɣɛɛ mato matere i mi kɔrɛ i ababa gbodzoo iso makɛlɛ.

BOSATE to ɔ̃afere mi araɖea kasɛkɔ̃ gu irabiara nɛ iso miasia mi kɔrɔ̃ iso kusɛkusɛ. BOSATE mi Ɣaa to ɔ̃afere mi kusɛkusɛ i karɔ̃ ga ɔto ɔtã mi iso.

Maafere mi kusɛkusɛ si mibɔrɛ fiɛ maafere mi kusɛkusɛ si mikpese.

Mito miana kusɛkusɛ i ɔmagɛ̃siare ame gu i karɔ̃ iso.

Maafere mi kusɛkusɛ sɔ miaɣe mabi ɔsi fiɛ maafere mi ɔraɖui kusɛkusɛ i karɔ̃ iso. Maafere mi mabɔi - manantsuĩ abi gu masɛrɛ abi kusɛkusɛ i wã akuri ame.

Si mimɔɛ̃ BOSATE mi Ɣaa mmara mila fiɛ misɛ i ɔ̃ siri iso ne, BOSATE to ɔ̃asɛra mi lɛ ɔ̃ maturi sekelea, lɛ kumɛgɔ ɔɣɛ ɔsɛ ku ndamu.

Maafere mi kasɛsɛ gu ikɔkɔ nɛ ame masɛ makɔtɛ ɔraũ mafere kusɛkusɛ.

BOSATE to ɔ̃atã mi ara sɛɛ gbodzoo, miɣe mabi ɔsi fiɛ miana araɖea gbodzoo i karɔ̃ iso gu mabɔi abi gbodzoo ana, i karɔ̃ ga ɔkã ndamu ɔtã mi mawa sɔ ɔ̃atã mi.

Iyɔ kayiiso maturi ɔɖuɖu to maanya sɔ BOSATE iyere sia i mi iso fiɛ mato maanigã mi.

Midaasɛnɛkɛ̃ i mmara mɛ lotã mi nɔme kumiwɛ̃ iso, mikɛlɛ kuɖearɔ̃ ɣee kubena iso, sɔ miasiai aɣɔ mama fiɛ miasumu wã.

Ne Mose ɔkɛlɛgu i katɔ̃ sɔ: Ɣɛɛ ne, si miiwarɛ BOSATE mi Ɣaa fiɛ miisiai ɔ̃ mmara gu asɛ̃ra ɔɖuɖu wa nto lotã mi nɔme iso kukaakɔ ne, sigbarĩ ɔɖuɖu dzɛgbe to siaba i mi iso