Popular Bible Verses from DEUTERONOMY 5

Share

"Warɛ fɔ ɔse gu fɔ ɔnyi lɛ kumɛgɔ i BOSATE fɔ Ɣaa ɔɣɛ, si ibiara aalɛgu-ɔ fiɛ aasɛ ngbã tagbaraa i karɔ̃ ga i BOSATE to ɔtã-ɔ iso.

Misɛ i ɔri wɔ i BOSATE mi Ɣaa ɔtã mi iso. Si mibara ne, irabiara aalɛgu mi fiɛ miasɛ ngbã tagbaraa, i karɔ̃ ga mito miafɔ iso.

Daabɔitikarɔ̃ atã irapɔa kuiwɛ̃ ɣee daasumu ne. Ala Mme, BOSATE mi Ɣaa ne, Ɣaa wɔ lokpɛ̃ sirerɛ loɖe. Nsɛ lokpadzɛ̃ mma lotsiri me ɔkparɛ kutsue i ma mawa ikpi iti, ikɛlɛ ta ma ɔɣekparɛ tɛare gu ɔnaare iso. Ɣɛɛ nsɛ loɖi wũ kuɖuɛ lote mma loɖuɛ me fiɛ masɛ mabara i wũ mmara iso siɣekparɛ kukpi.

"Daabara irapɔa kuiwɛ̃ atã so i kato ira kumiamia oo karɔ̃ iso kã ame ira kumiamia oo ɣee ndu ame ira kumiamia iɖe atã so.

"Daabara ɣaa mama i wũ anɔ.

"Daasu BOSATE fɔ Ɣaa iyere abara nnɛ loikote. Ala BOSATE iibanyua ɔtsɛ ɔrere wɔ loasu ɔ̃ iyere ɔbara nnɛ loikote.

Ao, si ifɔ̃ nɛgbe aawe i ma situ ame fiɛ maanigã me, maasɛ i wũ mmara iso ɔwi biara ne, iyɔ ne ito ialɛgu ma gu ma mabi ɔwi daaro!

"Bara i Iwarãyi iso si abara ne sekelee lɛ kumɛgɔ i BOSATE mi Ɣaa ɔsɛ mmara ɔtã mi.

"Daasu kanɔbɛbɛ i fɔ ɔnyii ɔ̃ ɔre iso. Daasu kanɔbɛbɛ i fɔ ɔnyii iyo ɣee karɔ̃ iso ɣee ɔ̃ ɔɖaborɛrɛ̃ ɣee ɔɖaborɔ̃go ɣee ɔ̃ nantsuĩ ɣee ɔfirimu ɣee ira irere nɛ nɖe fɔ ɔnyii ire iso."

"Daarɔ ɔturire ɣee ɔturi kurã.

"Daaɖe sila aɖansiɛ i fɔ lɛdze iso.

"Daaɖue ɔturi.

"Daayu kayu.

Minyigi sɔ miɔɖe masande i Egipte karɔ̃ iso fiɛ BOSATE mi Ɣaa ɔɖi mi ɔbɔrɛgu i mmɔ ku ɔ̃ kɔrɔ̃ teteree gu ɔle siare. Ne ɔso i BOSATE mi Ɣaa ɔtã mi mmara sɔ mibara i Iwarãyi iso.

Ayi akuɔ miasu mibara mi karabara ɔɖuɖu. Ɣɛɛ iyi kɔdzɛva ɖe Iwarãyi itã BOSATE mi Ɣaa. Kuwɛ̃ daabara karabara kukawɛ̃ i ne iso, mi mɔmɔ oo, mi mabi oo ɣee mi maɖaborɔ̃go oo, maɖaborɛrɛ̃ ɣee mi ɔfirimu oo ɣee nantsuĩ ɣee mi bɔi ɔrere ɣee mafɔ ma mpia i mi kɔrɛ. Mi maɖaborɔ̃go ɣee maɖaborɛrɛ̃ si mawarã lɛ mi awe.

"Mme nɖe BOSATE mi Ɣaa wɔ loɖi mi ɔbɔrɛgu i sisande karɔ̃ ame i Egipte karɔ̃ iso.