Popular Bible Verses from Yohanes 3

Share

Ialalo ratina matena dinen. Kole’a baraa jaji kasaanga Alatala lo’ka’ anak mantuariin, sampai Anaka yang seseraan daparuarang mate mainto’ na’anka’ mate idukum, mainto’ dapatka’ tio’ salaun-launna, yang iki’ parasaya’en lo’a.

Alatala manyuro’a lo’a Anaka lo’a duniaan di’en, na’an to’ itiang maukum lo’ka’, itiang patio’ lo’ka’, yang iki’ parasaya’en lo’a Anaka.

Jaji barik, “Manjarumak tapat-tapat lo’u, kosan tau padari panduduk kangkamanna Alatala ati’ na’an iparanakang baru,” ingka kenang i Yesus manyautina lo’a i Nikodemus.

Intain yang parasaya’en lo’a Anaka, daia na’an daukum. Sabalika intain na’anen parasaya’ lo’a Anaka dadua’ ukum memen. Ratina dadua’ ukuma, kole’a na’anna parasaya’ lo’a Anaka Alatala yang seseraan dinen.

Jaji ratina ukum yang dalao’iin, kole’a andian jalu arawangen mamin mondok lo’a duniaan. Poangsi tauen na’an mainya’ mangasaang lo’a jalu arawangen. Yang dakasaangen kole’a tauen, mangasaang jalu araunen, kole’a ajau’a basana, kole’a ajau’a pulikanna.

Daia dinen arung insang baraa dapadulina. Poangsi daiak di’en arung insang kurang,” ingka kenang i Yohanes lo’da’.

Yang tau tapaten, yang maamen atoranna, daia mainya’ lo’a arawangen kole’a mainto’ insang kayana paitana basa malola’ina lo’a Alatala. Yang tau ajau’en basana, daia mangasaang lo’a jalu yang araunen. Kenanga dinen mainto’ na’anna paita dinen kajau’anna, ialalo alibaka lo’a jalu arawangen.

“Jaji intain na’anen parasaya’ lo’a Anaka na’an daia to’ tio’. Daia dinen mamin dadua’ rarasi kole’a Alatala. Sabalika, intain parasaya’en lo’a, daia dinen lalo yang tio’en sampai salaun-launna,” ingka kenang i Yohanes lo’a palola’a.

“Awan lalo urar tamagaan yang daangkatangenjo kole’a baki’ Musa inang di kosan ateengen. Awan dinen lalo daiak di’en Anak Mantuariin iangkatangku’,” ingka kenang.

Alatala Daia mangasaang jaji lo’a Anaka dinen. Samuana ambata gulungan jaluun, dasuro’ang kausa lo’a Anaka. Ia yang manguasaien,” ingka kenang.