Popular Bible Verses from Lukas 11

Share

Walaupun ketun yelah uluh je jahat, tatapi ketun tawan kilenampi manenga panenga je bahalap dengan kawan-anak ketun. Jadi, Bapamu je melai surga je bahalap te labih basadia akan manenga Roh Kudus dengan ewen je balaku ah.”

Awi te Aku bapander dengammu, laku ih maka Tuhan akan manenga dengammu, gau ih maka ikau akan manyundau tuntang ngatuk ih antep maka Tuhan akan mambukakan antep dengammu.

Awi satiap uluh je balaku, akan inenga. Satiap uluh je manggau, akan manyundau tuntang antep akan ibuka bagi satiap uluh je mangatuk ah.

Lalu Yesus bapander dengan ewen: “Amun ikau badoa, mander ih: Bapa ikei, ikuduskan ih aram-Mu, samoga Karajaan-Mu dumah.

Ampun ih dosa ikei, kilau ikei pun maampun uluh je manampa jahat dengan ikei. Ela ih ijinkan ikei icobai akan manguan dosa.”

Dohop sadiakan panginan je ikei perlu satiap andau.

Matan kalunen sama kilau sumbu bagi biti ah. Amun ije uluh tau nampayah dengan jelas uras biti ah saolah-olah kuntep dengan cahaya. Tatapi amun ije uluh dia' nampayah dengan jalas, uras biti ah saolah-olah kuntep dengan kakaput.

Yesus bapander: “Jatun uluh je mampelum sumbu lalu manyahukkan ah. Sabalik ah, iye maandak ah melai eka sumbu, mangat setiap uluh je tame ka huang huma tau nampayah cahaya ah.