Popular Bible Verses from Lukas 14

Share

“Amun ikau handak manjadi murid-Ku, ikau harus mangasihi Aku labih bara kasihmu dengan bapa tuntang indummu, kabalimmu, kawan anak tuntang kawan paharimmu, tuntang bahkan tahasengmu kabuat. Amun dia', ikau dia' tau manjadi murid-Ku.

Ikau dia' tau manjadi murid-Ku amun ikau dia' sadia memikul salib panderitaan tuntang manuntut Aku.

Kia, ingat ih hal jituh: Allah akan marandah uluh je mahunjun biti. tuntang Iye akan mahunjun kawan uluh je marandah biti.”

Jadi dengan cara je sama, ikau dia' tau manjadi murid-Ku kacuali ikau basadia akan manyarahkan uras je ikau tempu.

Misalkan ikau handak mambangun ije bangunan je gantung. Kasulak-sulak ikau akan munduk tuntang bahitung dengan taliti pire biaya ah. Limbaste ikau akan nampayah naraikah ikau maina cukup duit akan manyalesaikan pambangunan ah. Amun ikau dia' mamperhitung ah, ikau mungkin baya akan manyalesaikan pandasi bewei tatapi dia' tau malanjutkan pambangunan tisa ah awi kakurangan duit, maka uras uluh je nampayah ah akan manantawe ikau. Ewen akan bapander: Uluh jituh dia' tau manyalesaikan pambangunan gedung gantung je jadi inampara!

Sabalik ah, satiap kali ikau manampa pesta, rawei ih kawan uluh je dia' maina duit, ewen je cacat, ewen je dia' tau mananjung dengan bahalap, tuntang ewen je dia' tau nampayah. Amun ikau manguan hal te, ikau akan irajin awi Tuhan, awi kawan uluh je ikau rawei dia' tau mambaleh ikau. Allah akan mambaleh ah metuh andau kahingkat haluli uras uluh bujur bara kapatei.”

Kilau je ikau katawan: Uyah memang baguna, tatapi amun uyah kanihawan rasa, dia' tege je tau mangaluli rasa ah. Uyah samacam te dia' tau ihapan bahkan sabagai pupuk akan manyuburkan petak, sahingga uluh manganan ah. Eweh pun je handak mamahami narai je aku mander harus mahining aku bahalap-halap.”