Popular Bible Verses from Lukas 19

Share

Awi Aku, Anak Kalunen je Allah utus, dumah ka dunia akan mangau ewen je nihau tuntang manyalamatkan ewen bara hukuman hunjun dosa-dosa ewen.”

Ewen: bapander: “Iberkati ih Iye je dumah sabagai Raja dengan kuasa Tuhan. Wayahtuh itah manarima damai sajahtra dengan Allah je tege melai surga tuntang biar ih tege pujian-pujian bagi Allah melai eka je Mahagantung!”

Limbaste Yesus bapander dengan iye: “Allah jadi manyalamat kawan-uluh je tege melai huma jituh metuh andau jituh, awi ikau kia percaya dengan Allah kilau je inguan awi datu hiangmu, Abraham.

Katika Yesus sampai melai eka Zakheus je tege, Iye nampayah ah tuntang bapander denga ah: “Zakheus, capat ih muhun bara batang te, awi Aku handak manginap melai humamu andau jituh.” Maka, Zakheus capat muhun tuntang manarima Yesus tame ka huang huma ah dengan hanjak.

Tatapi Zakheus mendeng tuntang bapander dengan Yesus: “Dohop hining ih jituh, Tuhan. Aku bajanji akan manenga satengah bara harta tempunku dengan uluh susah tuntang sakira ah tege kaije je kuperas bara harta are uluh akan kunenga haluli epat kali lipet.”

Pire-pire uluh bara golongan Farisi je tege melai bentuk kumpulan uluh are te bapander dengan Yesus: “Guru, nyuhu ih kawan murid-Mu akan tende mamander hal-hal jituh!” Yesus manumbah ewen: “Aku bapander dengammu, amun kawan uluh jituh tende mangariak pujian, maka batu-batu jituh akan nampara mangariak pujian!”