Popular Bible Verses from LUKAS 11

Share

Weapamo ayao kakaije no wasai, weramu wapo anakotaro ngkove raunanto wapa arikainye mansai. Maisyare omai ti, wapa Ajayo no no munijo ntiti Opamo kakavimbeo wasakivan bintabo, weti tugae Po Anawayo Vambunine raugaje Apa arikainye wasai arono wapo anajo.”

Weti syo raura wasai: Syare wapo Amisye anajo, indati Po raunande wasai. Wapo rakani, indati wananta rai. Wapo unsanda rananepat, indati Amisye po unsanda rausiso wasai.

Weye are pirati po ranajo, opamo Amisye po raunande ai. Are pirati po rakani, opamo indati nanto rai. Are pirati po unsanda ranenepat, opamo Amisye po unsanda rausiso ai.

Umba Yesus po raura nanto mai pare, “Wapare wabe sambayambeamo, syare wadaura taiso: ‘Reama Injayo Amisy, reamare vatan tenambe wo Nya tamo ndandinit rararimbe. Reamare winde wimbe akarive mine so rai tenambe.

Reamare Nyo reama ayao kakai rapaya reansai, maisyare muno reamo vatano kai awa ana udave ti ngkakai reansai rapaya mai wemaisy. Vemo Nyo reansaugavo ana mo reansatopane raron nora.’ ”

Reamare Nyo reama anaisyo mamaisyo reansai masyote antetere raunande reansai.

Wasamije raurata irati yawainyo mbaro wasanuga raije rai. Ranivara wasamije ngkov, indati wasanuga mbar. Yara wasamije ngkakai, indati wasanuga ngkaumudi.

“Arono vatane inta po yawainye raindi, po rangkokaibe jewen, muno po rakepano kavine rai jewen, yara po rauseo ntuna no pata vono kakavin indamu vatano usisa wo ama vare raen.