Popular Bible Verses from Jan 10

Share

Di tiif kom onggl fi tiif, fi kil an fi mash op. Mi kom so dat dem kyan liv laif an no waahn notn at aal.

“Mi a di gud shepad. Di gud shepad wi gi op im laif fi di shiip dem.

Fi mi shiip dem lisn tu we mi se. Mi nuo dem, an dem fala baka mi.

Mi mek dem kyan liv fi eva, an dem naa go ded. Nobadi naa go grab an tek dem outa mi an.

Mi a di giet. Ef enibadi kom iin chuu mi, dem a-go siev. Dem a-go waak iin an waak out, an dem a-go fain plies wid nais griin graas fi nyam.

Mi a di gud shepad. Mi nuo mi uona shiip dem an mi shiip dem nuo mi

Mi Faada we gi mi aal a dem, im biga dan evribadi. Nobadi kyaahn grab an tek dem outa mi Faada an. Mi an di Faada a wan an di siem.”

— siem laka ou di Faada nuo mi an mi nuo di Faada. An mi gi op mi laif fi mi shiip dem.

Nobadi no tek we mi laif fram mi. A mi gi it op miself. Mi av di powa fi gi it we an mi av di powa fi tek it bak. A dis ya mi Faada tel mi fi du.”

So im se tu dem agen se, “Mi a tel unu fi chuu chuu se dat mi a di giet we di shiip dem go chuu.

Di sumadi we a get pie fi luk aafa dem a no di shepad. Dem no uon di shiip dem. So wen taim da sumadi de si wulf a kom, im ron go we lef di shiip dem. Den di wulf kom op pan di shiip dem an mek dem skyata.

Jiizas se, “Mi a tel unu fi chuu chuu se di sumadi we no kom iina di shiip pen chuu di giet, bot we klaim go iin de wan neks wie, da sumadi de a tiif an raba.