Popular Bible Verses from Luuk 4

Share

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva. An im pik mi out fi mek piipl nuo se dis a di taim wen di Laad a-go siev im piipl dem.”

An Jiizas ansa im, “It rait dong se, ‘Yu fi worship di Laad we a yu Gad, an a im wan yu fi sorv.’ ”

Jiizas ansa, “It rait dong iina Gad wod se, ‘Man no liv pan bred wan.’ ”

Afta Jiizas get baptaiz, di Uoli Spirit tek kanchuol a im an mek im go iina di dezot.

Jiizas ansa im se, “It rait dong se, ‘No tes di Laad we a yu Gad.’ ”

Afta di devl don chrai aad aad fi mek Jiizas du rang, im lef im til im get wan neks chaans.

Di devl kyari Jiizas op a wan taal taal plies an bifuo im kuda kwint so, im shuo im aal di konchri dem iina di worl. Im tel Jiizas se, “Mi wi gi yu powa uova aal a dem konchri ya an aal a di nais sitn we kom wid dem, kaaz mi get dem an mi kyan gi enibadi mi waahn. Ef yu worship mi, aal a it a fi yu.” An Jiizas ansa im, “It rait dong se, ‘Yu fi worship di Laad we a yu Gad, an a im wan yu fi sorv.’ ”

Den di devl kyari Jiizas go a Jeruusilem an mek im tan op pan di taalis paat a Gad ous. “Ef yu a Gad Bwai Pikni,” di devl se, “jomp aafa ya-so. Kaaz it rait dong se, ‘Gad wi tel im ienjel dem fi tek gud kier a yu,’ an dat ‘dem wi kech yu, so yu no lik op yu fut pan rakstuon.’ ” Jiizas ansa im se, “It rait dong se, ‘No tes di Laad we a yu Gad.’ ”