Popular Bible Verses from Luuk 6

Share

Gi an unu wi get uol iip wid aal braata. Unu kop a-go ful — ful so til it aal a ron uova. Di wie unu diil wid ada piipl, siem wie dem a-go diil wid unu.”

Di gud man du gud sitn siek-a di gud we stuor op iina im. An di wikid man du wikid sitn siek-a di wikidnis we stuor op iina im. Kaaz wa kom outa im mout a wa de iina im aat.

Unu fi lov di piipl dem we iet unu. Du gud tu piipl, len an no ekspek fi get bak notn. Kaaz Gad a-go pie unu bak big taim. Gad kain tu di piipl dem we wikid an we no gi tangks. So wen unu du dis, dat shuo se unu a riili di Muos Ai Gad pikni.

Unu fi gud tu piipl aal ef dem no dizorv it, jos laik ou yu faada gud tu piipl.

“No joj piipl laik se Gad kyaahn paadn dem. Ef unu du dat di siem ting a-go riich unu. An no bada se nobadi gilti an rait dem aaf, kaaz dat wi riich unu tu. Paadn piipl, an unu wi get paadn tu.

“Aal a unu we a lisn mi, unu fi lov unu enimi dem an chriit di piipl dem we iet unu gud. Enibadi we kos unu, bles dem, an prie fi di wan dem we no diil wid unu gud.

Diil wid piipl di wie unu waahn dem diil wid unu.

Ef sumadi baks unu pan wan saida unu fies, ton di neks said gi dem. Ef sumadi tek unu jakit, no tap im fram tek unu shot tu. Ef enibadi we beg unu fi sitn we unu av, gi dem. An ef nobadi tek we fi yu sitn dem, no aks dem bak fi it.

“Gud chrii no bier bad fruut, an bad chrii no bier gud fruut.

Unu kyan nuo wan chrii siek-a di kain-a fruut we it bier. Piipl no pik prangganat aafa maka chrii an griep aafa makabush.