Popular Bible Verses from Matyu 19

Share

So Jiizas luk pan dem an se, “Wa piipl kyaahn du, Gad kyan du, kaaz notn no de we Gad kyaahn du.”

So dem a no tuu agen, dem ton wan. So wa Gad jain op, nobadi no fi plit op.”

Jiizas ansa se, “Unu no riid se fram Gad mek di worl im mek man an uman, an im se, ‘Siek-a dis, wan man a-go lef im faada an mada an jain op wid im waif an di tuu a dem wi ton wan sumadi’ ?

Bot Jiizas se, “Lou di likl pikni dem, mek dem kom tu mi. No chrai tap dem, kaaz Gad kindom a fi piipl we komiin laik dem likl pikni ya.”

Bot nof a uu de a front nou a-go de a bak, an uu de a bak a-go de a front.”

An enibadi we lef dem yaad, dem breda, sista, faada, mada, pikni ar dem lan siek-a mi, dem wi get bak onjrid taim muo dan wa dem did av; plos dem a-go get fi liv fi eva tu.

So Jiizas se, “Ef yu waahn bi evriting we Gad waahn yu fi bi, gwaan go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

So Jiizas se tu im se, “A wa mek yu kom a aks mi bout wa gud? A onggl wan sumadi de bout we gud yu no. Bot ef yu waahn fi liv fi eva kip di Laa dem we Gad did gi Muoziz.

Ier dis tu no: It iiziya fi wan kyamil go chuu wan niigl yai dan fi sumadi we rich go iina Gad kindom.”

Nou ier we mi a se, enibadi we brok op wid dem waif an go marid sumadi els, an a no se dem waif did sliip wid nobadi els, a gi dem a gi ar bon an a brok dem brok di Laa!”

Den Jiizas se tu im speshal falara dem se, “Mi tel unu dis an a chuu mi a taak, it a-go wel aad fi rich piipl go iina Gad kindom!