Popular Bible Verses from Maak 1

Share

Orli orli iina di maanin, wen it did stil daak daak, Jiizas get op an go fain wan plies we nobadi no de, so im kuda tan de an prie.

Im se, “A taim nou! Gad suun ruul iina evri wie! Ton we fram unu sin an ton tu Gad an biliiv di gud nyuuz!”

Siem taim Jiizas a kom op outa di waata, im si evn uopm op an di Spirit a kom dong pan im laik wan dov. An wan vais fram evn se, “Yu a fi mi wan dege-dege Bwai Pikni, mi lov yu an yu mek mi aat glad.”

Mi baptaiz unu iina waata, bot im a-go baptaiz unu wid di Uoli Spirit.”

Jiizas se tu dem se, “Fala mi! An siem laik ou unu kech fish, mi wi tiich unu ou fi kech piipl an mek dem ton mi falara.” So dem lef dem buot siem taim an fala Jiizas.

Evribadi shak wen dem ier di sitn dem we im did a tiich, kaaz im tiich laik sumadi we av di rait an di powa fi du it. Im neehn tiich laik di Laa tiicha dem.