Popular Bible Verses from Maak 14

Share

Im se, “Faada, mi faada, notn no de we yu kyaahn du. Siev mi fram dem torbl sofarieshan ya! Bot ef a so yu waahn it fi go, aarait den.”

No sliip! Kip wach an prie so unu no fies notn we wi kaaz unu fi sin. Kaaz iina unu aat unu waahn du wa rait bot unu a jos piipl an dat mek unu wiik.”

Mi a tel unu dis, an mi naa lai, enitaim piipl priich di Gud Nyuuz roun di worl, dem a-go memba ar an taak bout wa shi du.”

Im se tu dem se, “Mi aat evi so til mi fiil laik da presha ya a-go kil mi. Tan ya-so an kip wach.”

Wail dem did a nyam, Jiizas tek di bred an afta im gi tangks, im brok it an gi dem an se tu dem se, “Tek dis. Dis a mi badi.”

Den im tek di kop wid di wain an gi tangks. Im gi it tu dem, an aal a dem jringk fram di kop. Den im se tu dem se, “Dis a mi blod we set op di nyuu plan we Gad mek wid unu, mi blod we bliid out fi nof piipl.

Jiizas se tu im falara dem se, “Aal a unu gweehn ton unu bak pan mi, kaaz it rait dong iina Gad wod se, “ ‘Mi a-go lik dong di shepad, an di shiip dem a-go ron aal bout di plies.’

Unu git op! Mek wi go nou. Luk! Si di wan we sel mi out a kom de.”

Jiizas se tu im se, “Mi a tel yu dis an a chuu mi a taak, bifuo di ruusta kruo tuu taim tide — da sed nait ya — yu a-go se yu no nuo mi chrii taim.”