Popular Bible Verses from 1 Korinto 15

Share

Nunee, hau nia maun-alin doben sira, hamriik metin ba, keta nakdoko, no sai badinas nafatin atu halo Nai nia servisu. Tanba ita hatene katak ita nia servisu iha Nai nee la saugati.

Maibee agradese ba Maromak, nebee foo vitória ba ita liu hosi ita nia Nai Jesus Kristu.

Keta husik ema lohi imi: “Ranxu ho ema aat sei estraga hahalok diak.”

Maibee liu hosi Maromak nia grasa hau mak nee deit. No Ninia grasa nebee Nia haraik mai hau nee la saugati deit tanba hau servisu makaas liu sira hotu. Maibee laos hau mak servisu, nee mak Maromak nia grasa nebee hamutuk ho hau.

“Oh mate, o nia vitória iha nebee? Oh mate, o nia tata iha nebee?” Mate nia tata mak sala, no sala nia kbiit mak lei.

Tebes, hau foo sai mistériu ida ba imi. Laos ita hotu sei toba mate, maibee ita hotu sei nakfilak aan, iha momentu ida deit, iha piska matan deit, bainhira korneta ikus halo lian. Tanba korneta ida sei halo lian, depois ema mate sei moris hias ho isin nebee la bele dodok, no ita sei nakfilak aan.

Tanba mate mai liu hosi mane ida, nunee mos moris hias hosi mate mai liu hosi Mane ida fali. Tanba liu hosi Adão ema hotu mate, nunee mos liu hosi Kristu ema hotu sei moris hias.

Tanba isin nebee bele sai dodok tenki hatais buat nebee la bele sai dodok. No isin nebee bele mate tenki hatais buat nebee la bele mate.

Tanba Nia tenki ukun too Maromak tau inimigu hotu iha Ninia ain okos. Inimigu nebee Nia sei halakon ikus liu mak mate.