Popular Bible Verses from 2 Korinto 4

Share

Nunee ita la hateke ba buat sira nebee ita bele haree maibee ba buat sira nebee ita la bele haree. Tanba buat sira nebee ita bele haree nee sei hela too tempu nee deit. Maibee buat sira nebee ita la bele haree sei hela too rohan laek.

Nunee ami la sai fraku. Maski ami nia isin iha liur bele sai aat, ami nia laran sai foun fila fali loron ba loron. Tanba terus kamaan iha momentu nee sei prepara ita ba glória nebee iha folin todan liu too rohan laek.

Ema haleu ami iha sor-sorin, maibee sira la kaer metin ami. Dalan atu sai la iha, maibee ami la lakon esperansa. Ema haterus ami, maibee Maromak la husik ami. Sira riba ami, maibee ami la rahun.

Maibee ami iha riku-soin nee iha sanan rai hodi hatudu kbiit makaas nee mai hosi Maromak, laos hosi ami.

Kona ba ema nebee la fiar, maromak hosi mundu nee taka sira nia hanoin. Nunee sira la bele haree naroman hosi evanjelhu kona ba Kristu nia glória, nebee Maromak nia ilas.

Tanba Maromak dehan ona, “Naroman sei leno hosi nakukun laran.” No Maromak leno iha ita nia fuan laran atu foo naroman hodi ita bele hatene kona ba Maromak nia glória iha Jesus Kristu nia oin.