Popular Bible Verses from Apostolu 1

Share

Maibee imi sei simu kbiit bainhira Espíritu Santu tuun ba imi. No imi sei sai Hau nia sasin iha Jerusalém, iha Judeia no Samaria tomak, no too mundu nia rohan.”

Nia dehan ba sira, “Imi la iha direitu atu hatene oras ka tempu nebee Aman hili ho Ninia autoridade.

Bainhira Nia sei hamutuk ho sira, Nia manda sira atu la bele sai hosi Jerusalém, maibee hein promesa hosi Aman. Nia dehan, “Imi rona ona kona ba ida nee hosi Hau. Tanba João foo batizmu ho bee, maibee la kleur tan, imi sei simu batizmu ho Espíritu Santu.”

Bainhira Nia hetan ona Ninia terus, Nia hatudu Aan ba sira katak Nia moris hias ona. Nia prova dala barak durante loron haat-nulu katak Nia moris duni no Nia koalia kona ba Maromak nia reinu.

Koalia tiha nunee, bainhira sira hateke hela, Nia sae ba. Kalohan ida simu Nia hodi sira la bele haree tan Nia.

Bainhira Nia sae dadaun no sira hateke hela ba lalehan, derepenti mane nain rua nebee hatais ropa mutin hamriik iha sira nia sorin. No nain rua nee dehan, “Ema Galileia sira, tanba saa mak imi hamriik hodi hateke ba lalehan? Jesus nee, nebee sae ona hosi imi ba lalehan, sei fila fali mai hanesan imi haree Nia tama ba lalehan.”