Popular Bible Verses from Exodu 20

Share

“Hau mak NAI, o nia Maromak, nebee lori o sai hosi rai Ejitu, hosi fatin kastigu. O keta iha maromak seluk, só Hau deit.

O keta halo estátua, ka buat saida tan nebee iha ilas saida deit hosi buat nebee iha lalehan, ka iha rai, ka iha tasi nebee iha rai okos. O keta hakruuk ba sira ka serví sira, tanba Hau mak NAI, o nia Maromak. Hau mak Maromak ida nebee laran moras. No Hau sei selu ema nia hahalok aat ba sira nia oan sira too jerasaun tolu no haat.

Foo onra ba o nia inan-aman hodi o bele hetan vida naruk iha rai nebee NAI, o nia Maromak, foo ba o.

Hanoin no halo santu loron Sabdu.

O keta temi NAI, o nia Maromak, nia naran arbiru, tanba NAI sei foo sala ba ema nebee temi Ninia naran arbiru.

Durante loron neen, o bele halo servisu, no halao o nia negósiu hotu. Maibee loron ba dala hitu nee mak loron Sabdu ba NAI, o nia Maromak. Nunee, keta halo servisu ida, o, ka o nia oan mane ka o nia oan feto, ka o nia atan mane ka o nia atan feto, ka o nia animál ka ema hosi rai liur nebee hela ho o.

O keta kaan o nia maluk nia uma; o keta kaan o nia maluk nia feen, ka ninia atan mane, atan feto, karau, kuda buru, riku-soin ka saida deit nebee o nia maluk nian.”

O keta foo sasin falsu hasoru o nia maluk.

O keta halo sala seksuál.

O keta oho.

O keta naok.