Popular Bible Verses from Exodu 3

Share

Maromak hatete ba Moisés, “Hau Mak Hau.” Maromak hatete tan, “O tenki dehan nunee ba ema Israel sira, ‘Hau Mak Hau nee, Nia mak haruka hau ba imi.’”

Maromak hataan, “Maibee Hau sei hamutuk ho o. Ida nee mak sinál katak Hau mak haruka o: Bainhira o lori povu Israel sai hosi Ejitu, o sei serví Hau iha foho ida nee.”

Maromak dehan, “Keta hakbesik liu tan. Hasai tiha o nia sandálias lai, tanba fatin nebee o hamriik mak rai santu.”

Depois NAI hatete, “Hau haree ona Hau nia povu nia terus iha Ejitu, no Hau rona ona sira nia lian tanba ema sira nebee hanehan sira. Hau hatene katak sira hetan terus tebe-tebes. Tanba nee Hau sei tuun ba hodi salva sira hosi ema Ejitu sira nia liman no lori sira sai hosi rai nebaa hodi baa iha rai nebee diak no luan; rai nebee suli ho susu been no bani been. Rai nee mak ema Kanaan sira nian, ema Hiti, ema Amoreu, ema Perizeu, ema Heveu no ema Jebuseu sira nian.

Iha nebaa, NAI nia anju hatudu aan ba nia liu hosi ahi lakan nebee sai hosi ai badak. Moisés haree ahi lakan iha ai badak nee, maibee ahi la haan ai badak nee.

Entaun, Hau haruka o baa hasoru Faraó hodi o lori Hau nia povu, ema Israel sira, sai hosi Ejitu.”