Popular Bible Verses from Lucas 9

Share

Jesus dehan ba sira hotu, “Se ema ida hakarak mai tuir Hau, husik nia nega aan, no foti ninia krús loro-loron, no tuir Hau.

Tanba ema nebee hakarak salva ninia moris sei lakon ninia moris. Maibee ema nebee lakon ninia moris tanba Hau sei salva ninia moris.

No Jesus dehan ba nia, “Ema ida nebee tau ninia liman ba ai suak hodi fila rai no hateke fali ba kotuk, nia la merese atu serví iha Maromak nia reinu.”

Tanba ema ida manaan saida, se nia hetan mundu tomak, maibee nia lakon aan ka estraga ninia aan rasik?

Tanba se ema ruma moe kona ba Hau no Hau nia liafuan, Ema Nia Oan sei moe kona ba ema nee bainhira Nia mai iha Ninia glória, no iha Ninia Aman nia glória, no iha anju santu sira nia glória.

Jesus dehan ba nia, “Asu fuik kiik iha rai kuak, no manu fuik iha knuuk; maibee Ema Nia Oan la iha fatin ida atu tau Ninia ulun.”

Nia dehan ba sira, “See deit nebee simu labarik kiik nee hodi Hau nia naran simu mos Hau. No see deit nebee simu Hau simu mos Nia nebee haruka Hau mai. Tanba nia nebee kiik liu iha imi hotu nia leet, nia mak ida nebee boot liu.”