Popular Bible Verses from Roma 12

Share

Keta halo tuir mundu nee. Maibee troka imi nia hahalok liu hosi hanoin foun. Atu nunee imi bele hili dalan nebee tuir Maromak nia hakarak, nebee diak no perfeitu no Maromak bele simu.

Nunee hau husu imi, maun-alin sira, tanba Maromak nia laran luak, atu foo imi nia isin nudar sakrifísiu moris nian, nebee santu no Maromak bele simu. Ida nee mak imi nia ministériu espirituál nian.

Sai haksolok iha esperansa. Hatudu pasiénsia iha terus laran no halo orasaun nafatin.

Keta husik hahalok aat manaan imi, maibee manaan hahalok aat ho hahalok diak.

Hadomi malu tebe-tebes ho domin maun-alin nian. Buka uluk atu foo onra ba malu.

Hatudu domin nebee la finji. Odi buat nebee aat. Kaer metin ba buat nebee diak.

Se ita bele karik, tuir ita nia kbiit, dame malu ho ema hotu.

Hau nia doben sira, keta selu fali aat ba ema seluk, maibee husik buat nee ba Maromak nia laran hirus. Tanba ema hakerek nanis ona, “Vingansa mak Hau nian, no Hau sei selu fali, dehan Nai.”

Keta baruk atu hatudu laran badinas, manas iha espíritu, no serví Nai.

Tanba liu hosi grasa nebee hau simu, hau dehan ba ema hotu iha imi nia leet, keta hanoin aan diak liu fali buat nebee loos. Maibee hanoin lo-loos, tuir fiar nebee Maromak fahe ona ba imi.

Se ema halo aat ba ita, keta selu aat fali ba sira. Hanoin atu halo buat nebee diak iha ema hotu nia oin.

Lao ho neon ida laran ida. Keta foti aan, maibee lao hamutuk ho ema kiik. Keta haree aan nudar ema matenek klean.

Maibee, “Se ita nia inimigu hamlaha, foo hahaan ba nia. Se nia hamrook, foo nia hemu. Tanba liu hosi hahalok nee ita sei tau ahi klaak iha ninia ulun leten.”

Foo bensaun ba sira nebee haterus imi. Foo bensaun, keta foo malisan. Haksolok ba ho sira nebee haksolok, no tanis ba ho sira nebee tanis.

Bainhira santu sira presiza buat ruma, fahe ba. Hakaas aan atu simu bainaka ho laran diak.

Tanba isin lolon ida iha parte barak, no parte ida-idak iha knaar nebee la hanesan. Nunee mos ho ita, maski ita barak, maibee ita isin lolon ida deit iha Kristu. No ita ida-idak mak membru hamutuk ho ita nia maluk.