Popular Bible Verses from য়হোশু 1

Share

প্যারাপাকো জো, কাহা নাতিহিংয়া সাডুংপা জিংকো আসা সাহস জোকো আজ্ঞা পিচামি নিও। মাচ্ছুংগে আসা লোচোপেংঙেংপা মাজিংঘ্যই, হাংপাতানাহানা কা পরমপ্রভু নাকো সেংজা নাতি হাংতা হ্যাদো নাতিহিংপারাং নিও।”

লিংপাংকো হিগা হাত্রংদো পড়াইকো জো। জেইসুং লিসুং পড়াইমসা আউতা লাওয়া তাংসা নুওয়াংহিং তুংসিং নাপোসো নো। আত্রং মেংচে নাকোহা উন্নতি জিংরোওয়া আসা নাবিহা সফল জিংরোওয়া।

সাডুপা জিং আসা সাহস জো, আসা কুং ডেইয়া মোসাকো পিচাওয়া লিংপাংবি তাংসা পালন জোকো নির্ণয় জো। আসা আকো হাই ভাগরে মাল্যা আসা নাতি হাংতা হ্যা, আউতাহা নাতিহা সফল মুংরোওয়া।

য়হোশু, নাকোতা সাদি নিনু চোইপা হাংসুরে নাতিহিংয়া পোঙাপাকো মাছুরোওয়া। মোসাহিং ত্যাবাপা কা নাতিহিংপারে নিরোওয়া। কা হাত্রংদো নাতিহিংপা য়ুংরোওয়া, কা নাতিহিংয়া হাত্রংরে মাপেই।

সাডুংপা জিং, আসা সাহস জো, হাংপাতানাহা ই দিংঙাবিহিংয়া কা আবিকো আটা-আজাবিহিং প্রতিজ্ঞা জোওয়া দেশ অধিন জোনুওয়া নাতিহা আবিকো অগুওয়াই জোরোওয়া।

কা মোসাহিং জাংমি ত্যাবাপা নাবিকো তাংবাসো হুইংদ্যাওয়া তাংসা দেশ কাহা নাতিহিং আসা কুং তাংসা দিংঙাহিং পিচামি নিও।

“কুং ডেইয়া মোসাহা সিপুয়ে। নাতি আসা তাংসা ইস্রাইলিবিহা নেহা তৈয়ার জিং আসা য়র্দন জোরা পেংমসা কা আবিহিং পিচাদাংওয়া দেশতা হোতু।

য়হোশুহিং সেংজাহা আজ্ঞা জোওয়া প্রভুসেংজাকো ডেইয়া মোসাকো সিপুওয়াকো নোইতাহা আকুহিং সহায়তা জোওয়া নুনকো চেংওয়া য়হোশুহিং সেংজাহা জাংয়ে

নাবিকো দেশকো লুংবি ম্যাব্যা কাটুতা নিওয়া বার্পুইবিরিসোহা দ্যাম্যা কাটুতা নিওয়া লেবনানকো লাগাবি চোইপা, নুব্যা কাটুকো টেবো জোরা য়ুফ্রেটিসসোহা হিত্তিবিকো দেশ জিংপুমসা দিব্যা কাটুতা নিওয়া ভূমধ্য ঝাহাদি চোইপা দেকারোওয়া।

হাংসু নাকো অধিকারকো তোইতা শঙ্কা জো, কিতা আজ্ঞা পালন মোজো, আকুহা সিনেরোওয়া। নাতিহা ভরসা আসা সাহস জো!”

আত্রংহা য়হোশুহা অগুওয়াবিকোতা হোমসা দিংঙাবিহিং এপা জাংকো আজ্ঞা জোয়ে, “হাইক্রি চাওয়া-আংওয়াবি মো, হাংপাতানাহা নেহা সাসুংয়ুতা য়র্দন জোরা পেংমসা নাবিহা পরমপ্রভু নাবিকো সেংজাকো পিচাদাংওয়া দেশহিংয়া অধিন জোনেরোওয়া।”