Popular Bible Verses from Lc 11

Share

Chane'eja, qom ami, jo'ne qaleuaĝayaqa, auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Qadet'a jo'ne na'ague di'me piyem yanema jaĝa'te ñe'me Lepaqal jo'ne ja 'nalegue ena'uaque jogaa'me jo'ne yiyaĝadaque!”

“Chane'eja ami ja'aĝatema: auajelaĝañiyot ñe'me Dios, qama'le ami qoyanema qomle; anec'achiya joñe'me qaedi anemichiyaque ga'me auoviñetaque, qama'le auejomiyalegue qomle; auajoyiya'uet ga'me jom da'me aviyaĝañiya'uo, qama'le ami qo'youategueta qomle.

Qa'a ena'uaque gaa'me jo'ne dajelaĝatot ñe'me Dios qama'le qoyanema; nataq'aen gaa'me jo'ne nemitedaque ga'me qoyouetaque, yejomedalegue; nataq'aen gaa'me dajoyeda'uet ga'me jom qaedi yiyaĝata'uo, qama'le qo'youategueta.

Qama'le Jesús enaac: —Qom anetameñi, aueñeetojo': «Am Qadet'a, 'noota qom qo'nonaĝachigui da'me adenaĝat. 'Noota qom nach'e eta't qo'mi anejaliaĝatelo'te.

Auapalaĝa't daa'me qadaviyaĝaco, qa'a nach'e ena'am qo'mi japalaĝata' gamachaqaegaua ja 'noe'n jo'ne qo'mi qo'yeteque. Ena'te qo'mi auaueguedoue da'me qanapiyenaguec.»

'Noota qom qo'mi auanema ga'me jaliguinaq yemeda naa'me noloqo'ote.

Naa'me qat'ae'te nach'enaua lecoyadaĝanaqate da'me qat'oyaĝac; chane'eja qom 'noote' naa'me at'ae'te, qama'le yema da'me at'oyaĝac netaye ga'me yoqochiñe; qalaĝaja qom ja 'noote', qama'le yema da'me at'oyaĝac netaye da'me 'lalaĝa.

“Qaya'te gamachaqaega ta'le en edañgui jaga'me lecoyadaĝanaqate qama'te ua'edi yoĝochiñe ja yaloĝon, uotaĝa yanaue jaga'me yedapega't, dite da'me yanalegue ga'me qayaje'mec, qaedi gaa'me yenoĝodeuo yauata ga'me yoqochiñe.