Popular Bible Verses from Lc 17

Share

Qama'le enapega ñe'me jiyaĝaua: —Oñijeguem qama'le oc; queda'me 'uo da'me adepe'e male adec'alegue.

Mate mane'e siete 'viyelaĝalegue ga'me nolo' da'me ya'uo loec jo'ne am nautena, qom siete 'viyelaĝalegue da'me am nec'ata qaedi am t'aqataĝanem: «Male je'ñemaĝañe», 'noota qom auapalaĝat da'me laviyaĝac.”

'Uo ga'me onolec jogaa'me, mane'e da'me yauana da'me yoqovita, qama'le 'viyelaq, yataqachiñe yicojaĝadetac ga'me lajamaĝa da'me 'nonaĝachigui joñe'me Dios, qama'le yejoidiñe naa'me leliquetel dajoya'aguet ñe'me Jesús, naĝañi yeda'aguet jena'me aleua qaedi yanem da'me lamaic. Nach'eñe mach'e Samaria le'ec joca'li.

“¡Achiya'aguet qomle da'me dojo'! Qom ga'me adaqaya ya'uo loec, auoqochaq; qalaĝaja qom 'ñemaĝachiñe da'me 'loyaĝac, auapalaĝat da'me laviyaĝac.

Jesús enaac: —¿Qo'li ja diez mañaĝa gaa'me yoqovite', qaya ga'me lapite'na't? Qama'le ¿jach'e ga'me ueteda'a gaa'me laqaya' jo'ne nueve?

Joñe'me Jaliaĝanec 'yategueta jogaa'me: —Qom ami ue'tajopa da'me adepi'i, jo'ne ena'am jaga'me mostaza jala, qama'le auaqanachichi ta'le aueñiyapega jaga'me epaq: «¡Oca'e na'me oneta'ña qama'le anejoe'ña di'me noĝop let'adaic!», qama'le ami yoqocha'alo.

Gamachaqaega jo'ne jetaque nec'alaĝategue da'me mach'e 'loyaĝac qamqa'me ja yaqanatet ta'le nec'alaĝatela't qomle; qalaĝaja gamachaqaega jo'ne ja yauotec da'me mach'e 'loyaĝac, qamqa'me nec'alegue qomle.

Jesús 'yaĝatema dojo' jogaa'me lapaĝaguenataqa: “Nach'e eta't 'uo ga'me ami nepoda'tape qaedi auauoyi ga'me adoequi; qalaĝaja, ¡degueja qomle da'me lachoĝodec ga'me jiyaĝaua jo'ne ami yauegouelo da'me adoequi! Ga'me yataqachiñe 'noota ta'le qoyecoñeteguet na'me loqojot ga'me qa' t'adaic qama'le qoyajaĝañgui jaga'me qa'em lat'edai, jo'ne ja ena'am da'me yauegoue da'me ya'uo loec nat'olqa jo'ne 'najode'.

Nach'e ena'ama gaa'me noloqo'ote ca'li 'uo di'me Noé, nach'eda eeta ena'ama gaa'me noloqo'ote qomle 'ñiyelaq. Joga'me jiyaĝadipi deque'tape joca'li nataq'aen niyoma'tape choqoda'me 'uotapega't chayovida'a jo'me nolo' ca'li Noé yapinoue jaga'me licota lat'edai; nataq'aen nauaĝañe jo'me nauomaĝa, qama'le ena'uaque yele'u.