Popular Bible Verses from Luuka 3

Share

Kwawa mbwe, na awantu woona waamala okubatiiswa kandi Yesu oona yaaza abatiiswa, kandi ni yasawanga igulu riaigukao. Omwoyo Omweru yaika ku iye mu embonekano eya iemba-emba kandi omwoyo gwaemera ku igulu ogwawoola gutino, “Iwue ni iwue omuzia wange owa ngonziizie, kandi owa nsangaarre nae.”

Yowaana yawairania woona otino, “Inze mbabatiisa na amanzi. Na ario amuntu omukaate okunkira ooza, omuntu owa ngʼasugre namba okusiwula engoe ezia ewiraato wiae. Iye aaza okuwabatiisa no *Omwoyo Omweru ogwa Katonda kandi no omurro.

Muamie ensaafu ezia mu enkola, ezilagana geeza mbwe omuntu agaluuke arekere amawi. Ni mutaaza mwaingirizia mbwe muuza mwamizuka ku okuwoola-uwoola mbwe, ‘Turi geeza aeniki turi awaana awa Abraamu.’ Mbalaga mbwe Katonda aesa okugalusia amawaale gano gawe awaana awa Abraamu!

Namba nyingeeno, embasa emiire okuteewua ku isina eria omuti; kandi omuti ki omuti oguta-amia ensaafu endootu guuza okutemwao nikwo gurigizwe mu omurro.”

Kiomo Katonda yawoola mu amangʼana agari mu ebuuki eya *Omugambi Isaaya otino: “Omwoyo ogwa omuntu oetana mu ekeewa otino, ‘Mulongre Omwami engira, mumugololre engira ewe enyigolovu. Amiina goona gawugrwe, ewigiri wiona wirimwe wiike ansi. Engira eziigodre zigololwe, kandi anyenyeevu aterereziwue. Kandi awantu woona waaza okuwona owuinunuzi owua Katonda.’ ”