Popular Bible Verses from Jn 6

Share

Y ri Jesús xubij k'a chike: Ja yin ri wey ri niya'on k'aslen. Ri xtukuquba' ruk'u'x wik'in, man chik k'a xtinum ta ri ránima, y chuqa' ri xtiniman wichin, man xtichaqchi'in ta chik ri ránima.

Ri niya'on k'aslen richin ri ich'akul, ja ri ru-Espíritu ri Dios, y man ja ta ri iwuchuq'a' rix. Y ri Espíritu ri niya'on ri qitzij ik'aslen, ja ri ch'abel ri e nubin chik qa.

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

Roma ri nata', ri taqayon-pe wichin, nrajo' chi nikil ri k'aslen konojel ri yetz'eton ri nusamaj, y chi nikikuquba' chuqa' kik'u'x wik'in. Y yenk'asoj-el chikikojol ri e kaminaqi' chupan ri ruk'isibel q'ij, xcha'.

Y ri Jesús xubij: Ri niqa' chuwech ri Dios chi niben rix, ja ri nikuquba' ik'u'x wik'in yin ri xitaq-pe roma rija', xcha'.

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

Jak'a ri Simón Pedro xubij chire ri Jesús: Qajaw, man jun chik achi'el rat, richin niqatzeqelibej ta, roma ri ach'abel rat kan nuya' k'aslen ri man k'isel ta.

Ja yin k'a ri qitzij wey aj-chikajil ri niya'on k'aslen. Y xabachike ri xketijo k'a re wey re', xkek'ase' richin jantape'. Ri wey k'a ri xtinya' yin chike kan jak'a ri nuch'akul. Kan xkinapon-wi k'a pa kamik richin chi nuk'en-pe k'aslen chike ri winaqi' ri ek'o chuwech re ruwach'ulew, xcha'.

Y xubij: Man jun wineq ri xtipe wik'in wi man ja ta ri nata' taqayon-pe, y nink'asoj-el chikikojol ri e kaminaqi' chupan ri ruk'isibel q'ij.

Roma ri wey ri kan richin ri Dios, ja yin ri' ri in peteneq chila' chikaj, ri nuk'amon-pe k'aslen chike ri winaqi', xcha' chike.

Ri wey k'a ri kan niya'on k'aslen, ja yin.

Ri Jesús xeruli'ej k'a re wo'o' kaxlan-wey re' y xumatioxij chire ri Dios. K'ari' xujachala-el chike ri rutijoxela' richin xbekijachala' kan chike ri winaqi' ri e tz'uyul. Ri Jesús keri' chuqa' xuben rik'in ri ka'i' ker. Ri winaqi' kan xkitej k'a ri janipe' kaxlan-wey y ker ri xkajo'. Toq e wayneq chik jebel ri winaqi' ri', ri Jesús xubij k'a chike ri rutijoxela': Timolo' pe ronojel ri man xk'is ta, roma man ninwajo' ta chi k'o ta yek'oje' kan keri', xcha'.

Xkichop nikinim ri barco, y toq ek'o chik apo pa nik'aj chire ri ya', jari' toq ri tijoxela' xkitz'et chi ri Jesús peteneq chiraqen pa ruwi-ya' y yeruq'i' yan y rije' janila k'a xkixibij-ki'. Jak'a ri Jesús xubij chike chi man tikixibij-ki', roma ja rija' ri Jesús.