Popular Bible Verses from Juan 14

Share

Che cyjel ncawine tuj cheba tu'n tke' cyc'u'je; cyjel nk'ukba'ne cyc'u'je, pero mya ic tten k'ukbabl cyc'u'je cxel nk'o'ne ic tza'n cye xjal in cyk'o'n. Cyja'tzun mi'n baj cyc'u'je ex mi'n che xobe.

Xi ttzak'we'n Jesús: —Akine ju be, akine ju yol axix toc, ex akine k'ol chwinklal; mi a'l jun xjal jacu pon tuc'il Dios Mambaj, ka mya wu'ne.

Mi'n baj cyc'u'je; ke'c cyc'u'je ti'j Dios, ax icx ke'c cyc'u'je wi'je.

Atzunju onil cyeye ex k'ukbal cyc'u'je, aju Xewbaj Xjan, aju ctzajel t-sama'n Nmane te nxele, atzunju ck'olte xnak'tzbil cyeye ti'j tcyakil, ex oc tma' tu'n ttzaj cyna'ne tcyakilju ma txi nma'ne cyeye.

Aju xjal at ke nmandamyente tuc'il ex in che japun tu'n, atzunju in chin c'ujlanjtze tu'n; ex aju xjal in chin c'ujlanjtze tu'n, oc cc'ujlanjtzel tu'n Nmane, ax icx weye oc nc'ujla'ye, ex cxel nyec'un wibe te, chi Jesús xi tma'n cye.

Ex akine chin cubsal twitz Nmane, ctzajeltzun tk'o'n Nmane juntl onil cyeye ex k'ukbalte cyc'u'je tu'n tten cyuc'ile te jumajx. Aju onil cyeye ex k'ukbalte cyc'u'je, atzunju Xewbaj Xjan, aju chic'balte ju axix toc. Mlay bant tu'n tc'monjtz cyu'n xjal, porque minti' nno'c cyque'yin, ex minti' ojtzki'n cyu'n; atzun cyeye ojtzki'n cyu'ne, porque ax najl cyuc'ile ex ax ctel tuj cyanmiye.

Ex tcyakilju cxel cykanine te Nmane tu'nju ocslal keye wi'je, oc nbincha'ye cyeye tu'ntzun tjaw nimsa'n tbi Nmane ti'j ju oc nbincha'ye cyeye, akine Tc'wa'l. Ka at jun ti'xti ma txi cykanine tu'nju ocslal keye wi'je, oc nbincha'ye cyeye.

Ka in chin cyc'ujla'ne, japunx ke nmandamyente cyu'ne.

Tuj tja Nmane at nimcu najbil; nokwit minti', mawtlo txi nma'ne cyeye; chin xe'ltzune tu'n tbaj nbincha'ne jun najbil cyeye.

Oc nxi'ye ex oc tbaj nbincha'ne jun cynajbile, chin ule juntl maj ex che xel wi'ne wuc'ile tu'ntzun cytene wuc'ile jatum chin tele.

Xitzun tma'n Tomás te: —Tat, minti' ba'n ku'ne jatum cxe'la, ¿tza'ntzun tten tu'n tel knic'e ti'j ju be?